Ghazalo Ka Khazana


Ghazals from films
Memorable Ghazals of Jagjit and Chitra
The Latest
A Milestone
A Sound Affair
Mirza Ghalib
Passion / Black Magic
Someone Somewhere
Beyond Time
H O P E
Sajda
Kahkashan
Visions
In Search
Rare Gems
Desires
Face to Face
Cry for Cry
Rishton mein daraar aayee
Echoes
Ecstasies
Mirage
The Unforgettables
Unique
   Ghazals From Films

1.   tum itna jo muskura rahe ho
     kya gham hai jisko chupaa rahe ho

     aankhoN meiN namee haNsi laboN par
     kya haal hai kya dikhaa rahe ho

     ban jaayenGe zaher peete peete
     ye ashQ jo peete rahe ho
     
     jin zakhmoN ko waqt bhar chala hai
     tum kyooN unhe cheDe jaa rahe ho

     rekhaaOn ka khel hai muqqaddar
     rekhaaOn se maat khaa rahe ho     

2.   too nahiN to zindagi meiN aur kya reh jaayega
     door tak tanhaaeeyoN ka silsila reh jaayega

     dard ki saari tahe aur saare guzre haadse
     sab dhooaN ho jaayenge ik faakeya reh jaayega

     yuN bhee hoga wo muJhe dil se bhula dega maGar  
     ye bhee hoga khud usee meiN ik khala reh jaayega
   
     daayre inkaar ke iqraar kee sargoshiyaaN
     ye agar TooTe kabhee to faaslaa reh jaayega

3.   koi ye kaise bataaye ke wo tanha kyooN hai
     wo jo apna thaa wahi aur kisi ka kyooN hai
     yahi duniya hai to phir aisee ye duniya kyooN hai
     yahi hota hai to aakhir yahi hota kyooN hai

     ik zara haath baDha deN to pakaD le daaman
     uske seene meiN sama jaaye hamari dhaDkan
     itni kurbat hai to phir faaslaa itna kyooN hai

     dil-e-barbaad se nikla nahiN ab tak koi
     ik loote ghar pe diya karta hai dastak koi
     aas jo TooT gayee phir se bandhaata kyooN hai

     tum asarrat ka kahO ya ise gham ka rishta
     kehte hain pyaar ka rishta hai janam ka rishta
     hai janam ka jo ye rishta to badalta kyooN hai

4.   kyooN zindagi ki raah mein majboor ho gaye
     itne huye kareeb ke hum door ho gaye
     
     aisa naheeN ke humko koi bhee khushi nahiN 
     lekin ye zindagi to koi zindagi nahiN
     kyooN iske faisle hameN manzoor ho gaye

     paaya tumHe to humko laga tumko kho diya
     hum dil pe roye aur ye dil humpe ro diya
     palkoN se khwaab kyooN gire kyooN choor ho gaye

5.   Jhuki jhuki si nazar beqaraar hai ke nahiN
     daba daba sa sahee dil meiN pyaar hai ke nahiN

     tu apne dil ki jawaaN dhaDkanoN ko gin ke bata
     meri tarah tera dil beqaraar hai ke nahiN

     wo pal ke jis meiN mohabbat jawaaN hoti hai
     us ek pal ka tuJhe intezaar hai ke nahiN
  
     teri umeed pe ThukRaa raha hooN duniya ko
     tuJhe bhee apne pe ye aitbaar hai ke nahiN

6.   tum ko dekha to ye khayaal aaya
     zindagi dhoop tum ghana chaaya

     aaj phir dil ne ik tamanna ki
     aaj phir dil ko humNe samJhaaya
  
     tum chale jaaoge to socheNge
     humne kya khoya humne kya paaya

     hum jise gunguna nahiN sakte
     waqt ne aisa geet kyooN gaaya

7.   pyar muJh se jo kiyaa tumne to kya paaogi
     mere haalaat ki aandhi meiN bikhar jaaogi
 
     ranj aur dard ki basthi ka maiN baashinda hooN
     ye to bas maiN hooN ke is haal meiN bhi zinda hooN
     khwaab kyoon dekhooN wo kal jispe maiN sahrminda hooN
     maiN jo sharminda hooN to aur tum bhi sharmaaogi

     kyooN mere saath koi aur pareshaaN rahe
     meri duniya hai jo weeraan to weeraan rahe
     zindagi ka ye safar tum pe to aasaan rahe
     humsafar muJhko banaaogi to pachtaaogi

     ek maiN kya abhi aayenge diwaane kitne
     abhi goonjeNge mohabbat ke taraane kitne
     zindagi tumko sunaaegi fasaane kitne
     kyoon samaJhti ho muJhe bhool nahi paaogi

8.   ye bata de muJhe zindagi
     pyaar ki raah ke humsafar
     kis tarah ban gaye ajnabee

     ye bata de muJhe zindagi
     phool kyooN saare muJhaa gaye
     kis liye buJh gayee chandini

     kal jo baahoN meiN thee
     aur nigaahoN meiN thee
     ab wo garmi kahaaN kho gayee

     na wo andaaz hai
     na wo awaaz hai
     ab wo narmi kahaaN kho gayee
  
     bewafa tum nahiN
     bewafa hum nahiN
     fir wo jazbaat kyooN so gaye

     pyaar tumko bhi hai
     pyaar humko bhi hai
     faasle phir ye kyooN ho gaye

     ye bata de muJhe zindagee

9.   humsafar banke hum saath haiN aaj bhee
     fir bhee hai ye safar ajnabi ajnabi
     raah bhee ajnabi mod bhee ajnabi
     jaayeN hum kidhar ajnabi ajnabi

     zindagi ho gayee hai sulagta safar
     door tak aa raha hai dhuaaN sa nazar
     jaane kis mod par kho gayee har khushi
     deke dard-e-jigar ajnabi janabi

     humne chun chun ke tinke banaaya tha jo
     aashiyaaN hasratoN se sajaaya tha jo
     hai chaman meiN wahi aashiyaaN aaj bhee
     lag raha hai magar ajnabi ajnabi

     kisko maaloom  tha din ye bhee aayenge
     mausamoN kee tarah dil badal jaayenge
     din hua ajnabi raat bhee ajnabi
     har ghaDi har pahar ajnabi ajnabi
     
10.  rishtaa ye kaisa hai naata ye kaisa hai
     pehchaan jisse nahiN thee kabhi 
     apna bana hain wahi ajnabi
     rishtaa ye kaisa hai naata ye kaisa hai

     tumhe dekhte hee rahooN main hamesha
     mere saamNe yoon hee baithe rahO tum
     karooN dil ki baateN maiN khaamoshiYoN se
     aur apne laboN se na kuch bhee kahO tum

     ye rishta hai kaisa, ye naata hai kaisa
     tere tan ki khushboo bhee lagti hai apni
     ye kaisi lagan hai ye kaisa milan hai 
     tere dil ki dhaDkan bhee lagti hai apni

     tumhe paake mehsoos hota hai aise
     ke jaise kabhi hum judaa hee nahin the
     ye maana ke jismoN ke ghar to naye hain
     magar hai puraane ye bandhan diloN ke
  
11.  phir aaj muJhe tumko bas itna bataana hai
     hasna hee jeewan hai haste hee jaana hai
     
     madhuban ho ya gulshan ho patjhad ho ya saawan ho
     har haal meiN insaaN ka ik phool sa jeewan ho
     kaantoN meiN ulajh ke bhi khushboo hee lutaana hai
     hasna hee jeewan hai haste hee jaana hai   

     har pal jo guzar jaaye daaman ko to bhar jaaye
     ye soch ke jee leiN tho takdeer saWar jaaye
     is uMr kee raahoN se khushiyoN ko churaana hai
     hasna hee jeewan hai haste hee jaana hai

     sab dard miTaa de hum, har gham ko saza de hum
     kehte hai jise jeena duniya ko sikha de hum
     ye aaj to apna hai kal bhee apnaana hai
     hasna hee jeewan hai haste hee jaana hai

12.  ye tera ghar ye mera ghar kisi ko dekhna ho gar
     to pehle aake maaNg le meri nazar teri nazar
     ye tera ghar ye mera ghar ye ghar bahut haseen hai
     ye ghar bahut haseen hai ye ghar bahut haseen hai

     na baadloN ke chaaOn meiN naa chandni ke gaaOn meiN
     na phool jaise raaste bane haiN iske waaste 
     magar ye ghar ajeeb hai zameen ke kareeb hai
     ye eet-pattharoN ka ghar hamaari hasratoN ka ghar

     jo chaandni nahin to kya ye roshni hai pyaar ki
     diloN ke phool khil gaye to fikR kya bahaar ki 
     hamaare ghar na aayegi kabhi khushi udhaar ki
     hamaari raahatoN ka ghar hamaari chaahatoN ka ghar

     yahan mahak wafaaoN ki mohabbatoN ka rang hai
     ye ghar tumhara khwaab hai ye ghar meri umang hai
     na aarzoo pe qaid hai na hausle pe jung hai
     humare hausloN ka ghar hamaari himmatoN ka ghar

13.  ye daulat bhi le lo, ye shoHrat bhi le lo
     bhale cheen lo muJhse meri jawaani
     magar muJhko lauta do bachchpan ka saawan
     wo kaagaz ki kasthi wo baarish ka paani

     mohalle ki sabse nishaani purani
     wo buDhiya jise bachche kehte the naani
     wo naani kee baatoN mein pariYoN ka DeRa
     wo chehre ke JhuriYoN meiN sadiYoN ka phera
     bhulaaYe nahiN bhool saqta hai koi
     wo choti see raateN wo lambi kahaaNi

     kaDi dhooP meiN apne ghar se nikalna
     wo chiDiya wo bulbul wo thithli pakaDna
     wo guDiya ki shaadi pe laDna jHagaDna
     wo JhooloN se girna, wo giR ke sambhalNa
     wo pithal ke challoN ke pyaare se tho'fe
     wo TuTi hui chudiYoN ki nishaani

     kabhi re't ke ooNche Tilon pe jaana
     gharOnde banana, banaake miTaana
     wo maasoom chaahat ki tasveer apni
     wo khwaboN khiloNo ki taabir jaageer apni
     na duniYa ka gham tha na rishtoN ke bandhan
     baDi khoobsoorat thi wo zindgaani

14.  mere dil meiN tu hi tu hai dil ki dawa kya karooN
     dil bhee tu hai jaaN bhee tu hai tuJhpe fidaa kya karooN

     khud ko khoke tuJhko paakar kya kya mila kya kahooN
     teri hoke jeene meiN kya aaya maza kya kahooN

     kaise din haiN kaisee raateN kaisi fizaa kya kahooN
     meri hoke tune muJhko kya kya diyaa kya kahooN
   
     meri pehloo meiN jab tu hai phir maiN dua kya karooN
     dil bhee tu hai jaaN bhee tu hai tuJhpe fidaa kya karooN

     hai ye duniya dil ki duniya milke rahenge yahaan
     lootenge hum khushiyaaN har pal dukh na sahenge yahaaN

     armaano ke chanchal dhaare aise bahenge yahaaN
     ye to sapno ki jannat hai sab hi kahenge yahaN
   
     ye duniya mere dil meiN basi hai dil se juda kya karooN
     dil bhee tu hai jaaN bhee tu hai tuJhpe fidaa kya karooN


      Lyrics : kaifi Aazmi           (1,3,5,14)
               Iftikhar Imam Siddiqi (2)
               Javed Akhtar          (4,6,7,8,12)
               Madanpal              (9,10)
               Sudarshan Faakir      (11,13)

      Movies : Arth                  (1,2,3,5)
               Saath Saath           (4,6,7,8,12)
               Ashiana               (9)
               Aaj                   (10,11,13)
               Bhavna                (14)
 
      Music  : Jagjit Singh      - Arth
               Kuldeep Singh     - Saath Saath
               Jagjit and Chitra - Ashiana, Aaj
               Bappi Lahiri      - Bhavna

      Voices : Jagjit Singh
               Chitra Singh
 Top


  Memorable Ghazals of Jagjit and Chitra 1. baat nikalegee to phir duur talak jaayegee log bewajaH udaasee kaa sabab poochhenge ye bhee poochhenge ke tum itnee pareshaaN kyooN ho oongliyaaN uTheNgee sookhe huye baaloN kee taraf ek nazar dekheNge guzre huye saaloN kee taraf chooDiyoN par bhee kaI taNz kiye jaayeNge kaaNpate haathoN pe bhee fikRe kase jaayeNge log zaalim haiN har ek baat kaa taanaa deNge baatoN baatoN meiN meraa zikR bhee le aayenge unakee baatoN kaa zaraa saa bhee asar mat lenaa waRnaa chehre ke taasur se samaJh jaayeNge chaahe kuchh bhI ho sawaalaat naa karnaa unse mere baare meiN koI baat na karnaa unse baat nikalegii to phir door talak jaayegee 2. sarakti jaaye haiN rukh se naqaab aahistaa-aahista nikalta aa raha hai aaftaab aahistaa-aahista jawaN hone lage jab wo to humse kar liya parda hayaa yakalaKht aaee aur shabaaB aahistaa-aahista sab-e-furkat ka jaaga hoon paristhoN ab to sone do kabhi fursat meiN kar lena hisaab aahistaa-aahista baDi bedardi se sar kaate 'ameer' aur maiN kahooN unse huzur aahistaa aahistaa janaab aahistaa-aahista 3. gham badhe aate haiN qaaTil kee nigahoN ki tarah tum chupa lo muJhe ae dosth gunahoN ki tarah apni nazroN meiN gunehgaar na hote kyoon kar dil hi dushman hai mukhalif ke gawahoN ki tarah har taraf zeest ki raahoN mein kaDi dhoop hai dosth bas teri yaad ke saaye haiN panahoN ki tarah jinki khaatir kabhi ilzaam uThaye 'faakir' wo bhi pesh aaye hain insaaf ke shaaHoN ki tarah 4. pareshaaN raat saari haiN sitaroN tum to so jaaO sukut-e-marG taari hai sitroN tum to so jaaO tumHe kya aaj bhi koi agar milne nahiN aaya ye baazi humne haari hai sitaroN tum to so jaaO kahe jaate ho ro-roke hamara haal duniya se ye kaisi raazdaari hai sitaroN tum to so jaaO 5. dost ban-banke mile muJhko mitaane waale maine dekhe haiN kaI rang badalane waale tumne chup rehkar sitam aur bhee Dhaayaa mujhpar tumse achchhe haiN mere haal pe haNsne waale maiN to ikhalAq ke hathoN hi bikA kartaa hooN aur hoNge tere baazAr meiN bikne waale akhree daur pe salaam-e-dil-e-mustar le lo phir naa lauTenge shab-e-hiJr pe ronewaale 6. dil ko gham-e-hayaat gaNwaara hai in diNo pehle jo dard tha wahi chaara hai in diNo ye dil zara sa dil teri yaadoN mein kho gaya zaRRe ko aandhiYon ka sahara hai in diNo tum aa sako to shab ko baDha dooN kuch aur bhi apne kahe meiN subhO ka taara hai in diNo 7. apne haathoN kee lakiroN meiN basa le muJhko main hooN tera to naseeb apna bana le muJhko muJhse too poochne aaya hai wafa ke maani ye teri sadaa-dili maar na Daale muJhko khud ko maiN baaNt na daalooN kahin daaman-daaman kar diya tune agar mere hawaale muJhko wada fir wada hai maiN zaher bhi pee jaaooN 'qatil' shart ye hai koi baahoN meiN sambhale muJhko 8. angDai par angDai leti hai raat judaee kee tum kya samJho tum kya jaaNo baat meri tanhaayee kee kaun siyahi ghol raha tha waqt ke behte dariya meiN maiNe aaNkh jhuki dekhi hai aaj kisi harjee kee wasl ki raat na jaane kyoon israar tha unko jaane par waqt se pehle dhooB gaye taaroN ne baDi daanaee kee uDte uDte aas ka paNchi door ufaq mein dooB gaya rote rote baith gayee awaaz kisi saudaaee kee 9. sadma hai muJhe bhi ke tuJhse juda hooN maiN lekin ye soNchtaa hooN ke ab tera kyaa hooN maiN biKhraa paDa hai tere hi ghar meiN tera wajood bekaar meHfiloN meiN tuJhe dhoonDtaa hooN maiN naa jaane kis adaa se liya toone mera naam duniya samaJh rahee hai ke sab kuCh tera hooN maiN le mere tajurboN se sabaK ae mere raqeeB do chaar saal umR meiN tuJhse baDa hooN maiN 10. humko dushman kee nigahoN se na dekha keeJe pyaar hi pyaar haiN hum humpe bharOsa keeJe chand yaadoN ke siwa haath na kuch aayega is tarah uMr-e-gureza ka na peecha keeJe roshni auroN ke aaNgaN meiN gawara na sahee kam se kam apne ghar meiN to uJaala keeJe kya khabr kab wo chale aayenge milne ke liye roz palkoN pe nayee shamme jalaya keeJe 11. pareshaaN raat saari haiN sitaroN tum to so jaaO sukut-e-marG taari hai sitroN tum to so jaaO hume to aaj ki shab pau faTe tak jaagna hoga yahi kismat hamari hai sitroN tum to so jaaO hume bhee neeNd aa jaayegi hum bhi so hi jaayenge abhi kuch beqaraari hai sitaroN tum to so jaaO tumHe kya aaj bhi koi agar milne nahiN aaya ye baazi humne haari hai sitaroN tum to so jaaO kahe jaate ho ro-roke hamara haal duniya se ye kaisi raazdaari hai sitaroN tum to so jaaO 12. aaNkh se aaNkh milaa, baat banaata kyooN hai tu agar muJhse khafa hai to chupaata kyooN hai gair lagta hai hai na apnO ki taraH miltaa hai tu zamaane kee taraH muJhko sataata kyooN hai waqt ke saath haalaat badal jaate haiN ye haqeeqat hai magar muJhko sunaata kyooN hai ek muddat se jahaN kaafile gujre hi nahiN aisi raahoN pe charaagoN ko jalaata kyooN hai 13. socha nahiN achcha bura dekha suna kuch bhi nahiN maanga khuda se raat din tere siwa kuch bhi nahiN dekha tuJhe socha tuJhe chaaha tuJhe pooja tuJhe meri khata meri wafa teri khata kuch bhi nahiN jispar hamari aaNkh ne moti bichchaaye raat bhar bheja wohi kaagaz tuJhe humne likha kuch bhi nahiN ek shaam ki dahleez par baithe rahe wo der taq aankhoN se kee baateN bahot humne kaha kuch bhi nahiN 14. paseene paseene huye jaa rahe ho ye bolo kahaN se chale aa rahe ho hameN sabR karne ko keh to rahe ho magar dekh lo khud hi ghabraa rahe ho ye kiskee buri tumko nazar lag gayee hai baharoN ke mausam meiN murJha rahe ho ye aaina hai ye to sach hi kahega kyoN apni haqeeqat se katraa rahe ho 15. bahut diNoN ki baat hai fizaa ko yaad bhi nahiN ye baat aaj kee nahiN bahut dinoN kee baat hai shabaab par bahaar thee fizaa bhi khush-gawaar thee naa jaane kyoon machal pada maiN apne ghar se chal pada kisi ne muJhko rok'kar badi adaa se Tok'kar kaha tha lauT aae'iye meri kasam naa jaai'eye par muJhe khaBar na thee maahOl par nazar na thee naa jaane kyoon machal pada maiN apne ghar se chal pada maiN shehaR se phir aa gaya khayal thaa ke paa gaya us'e jo muJhse door thee magar meri zaroor thee aur ik hasiN shaaM ko maiN chal paDa salaam ko gali ka rang dekh'kar nayee tarang dekh'kar muJhe badi khushi huyee maiN kuch isi khushee meiN tha kisi ne Jhaank'kar kaha paraaye ghar se jaai'iye meri kasma na aai'iye wahi haseeN shaam hai bahaar jiska naam hai chala hooN ghar ko choDkar na jaane jaaoonga kidhar koi nahiN jo Tok'kar koi nahiN jo Rok'kar kahe ke laut aai'iye meri kasam na jaai'iye meri kasam naa jaai'iye ...... Lyrics : kafeel Aazer (1) Ameer Meenai (2) Sudarshan Faaqir (3) Qateel Shifai (4, 6, 7, 8, 9 and 11) Saeed Rahi (5, 12 and 14) Rais Akhtar (10) Bashir Badr (13) Salam Machhli Shehri (15) Music : Jagjit Singh Voices : Jagjit Singh Chitra Singh Top
  The Latest 1. ye daulat bhi le lo, ye shoHrat bhi le lo bhale cheen lo muJhse meri jawaani magar muJhko lauta do bachchpan ka saawan wo kaagaz ki kasthi wo baarish ka paani mohalle ki sabse nishaani purani wo buDhiya jise bachche kehte the naani wo naani kee baatoN mein pariYoN ka DeRa wo chehre ke JhuriYoN meiN sadiYoN ka phera bhulaaYe nahiN bhool saqta hai koi wo choti see raateN wo lambi kahaaNi kaDi dhooP meiN apne ghar se nikalna wo chiDiya wo bulbul wo thithli pakaDna wo guDiya ki shaadi pe laDna jHagaDna wo JhooloN se girna, wo giR ke sambhalNa wo pithal ke challoN ke pyaare se tho'fe wo TuTi hui chudiYoN ki nishaani kabhi re't ke ooNche Tilon pe jaana gharOnde banana, banaake miTaana wo maasoom chaahat ki tasveer apni wo khwaboN khiloNo ki taabir jaageer apni na duniYa ka gham tha na rishtoN ke bandhan baDi khoobsoorat thi wo zindgaani 2. shaYad maiN zindagi ki sahar le ke aa gaya qaatil ko aaj apne hi ghar le ke aa gaya taa umR DhoonDta raha manzil maiN ishq ki anjaam Ye ke garde safar le ke aa gaya nashtar hai mere haath meiN kaaNdhoN pe maikada lo maiN ilaaJe dard-e-zigar le ke aa gaya 'Faakir' sanam maikade meiN na aata maiN lautkar ik zakhm bhar gaya tha idhar le ke aa gaya 3. zindagi tuJhko jiya hai koi afsOs nahiN zehar khud maiNe piya hai koi afsOs nahiN maiNe muJrim ko bhi muJrim na kaha duniYa meiN bas yahi zurm kiya hai koi afsOs nahiN meri kismat meiN jo likkhe the unHi kaanToN se dil ke zakhmoN ko seeya hai koi afsOs nahiN ab gire sanG ke sishoN ki hoon baarisH 'faakir' ab kaFan ODh liya hai koi afsOs nahiN 4. us's mod se shuru kareN phir Ye zindagi har shay jahaN haseen thee, hum tum the ajnabi lekar chale the hum jiNhe jannat ke khwaab the phooloN ke khwaab the wo mohabbat ke khwaab the lekin kahan hai unmeiN wo pehle see dilkashi rehte the hum haseeN khaYaaloN ki bheeD meiN ulJhe huye haiN aaj sawaaloN ki bheeD meiN aane lagi hai yaad wo fursat ki har ghaDi shaayad ye waqt humse koi chaal chal gaya rishta wafa ka aur hi rangoN meiN dhal gaya ashkoN ki chandini se thee behtar wo dhooP hi 5. jis mod par kiye the hum intejaaR barsoN us'se lipaT ke roye, deewana-waar barsoN tum gulsitaN se aaYe zikRe khizaaN hilaaye humNe kafas meiN dekhi fasle bahaar barsoN hoti rahee hai yuN to barsaat aasuOn kee uTh'Te rahe hain phir bhi dil se gubaaR barsoN wo sang-e-dil tha koi begaana-e-wafa tha karte raheN hai jiska hum intezaar barsoN 6. charaaG aaftaaB gum, baDi haseen raat thee shabaaB ki naqaaB gum, baDi haseen raat thee muJhe pila rahe the wo ke khud hi shamma buJh gayee gilaas gum, sharaab gum, baDi haseen raat thee likHa tha jis kitaab meiN ke ishq to haraam hai huyee wohi kitaab gum, baDi haseen raat thee laboN se laB jo mil gaye, laboN se laB hi sil gaye sawaal gum, jawaab gum, baDi haseen raat thee 7. dil ke deewaroN dar pe kya dekha bas tera naam hi likha dekha teri aankhoN meiN humne kya dekha kabhi qaatil kabhi khuda dekha apnee soorat lagi paryee si jab kabhi humne aa'inah dekha haaye andaaz tere ruKne ka waqt ko bhi ruKa ruKa dekha tere jaane meiN aur aane meiN humne sadiyoN ka faasila dekha phir na aaya khayaal zannat ka jab tere ghar ka raasta dekha 8. Dhal gaya aaftaaB ae saaqi la pila de sharaab ae saaqi ya suraahi laga mere mooh se ya ulaT de naqaab ae saaqi maikada choD kar kahaN jaaooN hai zamana kharaaB ae saaqi jaam bhaR de gunaahgaarOn ke ye bhi hai ik sawaab ae saaqi aaj peene de aur peene de kal karenge hisaab ae saaqi Lyrics : (info not available) Music : Jagjit Singh Voices : Jagjit Singh Chitra Singh Top
  A Milestone 1. milkar juda huey tho na soya karenge hum ek doosre ke yaad meiN roya karenge hum aaNsoo chalak chalak ke sathaayenge raath bhar moti palak palak meiN piroyaa karenge hum jab dooriyoN ki yaad diloN ko jalaayegi jismoN ko chaandni meiN bhigoya karenge hum gar de gaya daga hameN toofan bhi 'qateel' sahil pe kashtiyoN ko dooboya karenge hum 2. Yeh mojeza bhi muhabbat 3. dil ko gham-e-hayaat gaNwaara hai in diNo pehle jo dard tha wahi chaara hai in diNo ye dil zara sa dil teri yaadoN mein kho gaya zaRRe ko aandhiYon ka sahara hai in diNo tum aa sako to shab ko baDha dooN kuch aur bhi apne kahe meiN subhO ka taara hai in diNo 4. apne haathoN kee lakiroN meiN basa le muJhko main hooN tera to naseeb apna bana le muJhko muJhse too poochne aaya hai wafa ke maani ye teri sadaa-dili maar na Daale muJhko khud ko maiN baaNt na daalooN kahin daaman-daaman kar diya tune agar mere hawaale muJhko wada fir wada hai maiN zaher bhi pee jaaooN 'qatil' shart ye hai koi baahoN meiN sambhale muJhko 5. pareshaaN raat saari haiN sitaroN tum to so jaaO sukut-e-marG taari hai sitroN tum to so jaaO tumHe kya aaj bhi koi agar milne nahiN aaya ye baazi humne haari hai sitaroN tum to so jaaO kahe jaate ho ro-roke hamara haal duniya se ye kaisi raazdaari hai sitaroN tum to so jaaO 6. angDai par angDai leti hai raat judaee kee tum kya samJho tum kya jaaNo baat meri tanhaayee kee kaun siyahi ghol raha tha waqt ke behte dariya meiN maiNe aaNkh jhuki dekhi hai aaj kisi harjee kee wasl ki raat na jaane kyoon israar tha unko jaane par waqt se pehle dhooB gaye taaroN ne baDi daanaee kee uDte uDte aas ka paNchi door ufaq mein dooB gaya rote rote baith gayee awaaz kisi saudaaee kee 7. sadma hai muJhe bhi ke tuJhse juda hooN maiN lekin ye soNchtaa hooN ke ab tera kyaa hooN maiN biKhraa paDa hai tere hi ghar meiN tera wajood bekaar meHfiloN meiN tuJhe dhoonDtaa hooN maiN naa jaane kis adaa se liya toone mera naam duniya samaJh rahee hai ke sab kuCh tera hooN maiN le mere tajurboN se sabaK ae mere raqeeB do chaar saal umR meiN tuJhse baDa hooN maiN 8. Tumhari Anjuman se uth ke 9. Pahle to apne dil ki raza Lyrics : Qateel Shifai (3,4,5,6,7) Music : Jagjit Singh Voices : Jagjit Singh Chitra Singh Top
  A Sound Affair 1. ae khuda ret ke sehra ko samandar kar de ya chhalakti aanKhoN ko bhi patthar kar de tuJhko dekha nahiN mehsoos kiya hai maine aa kisi din mere ehsaas ka paikar kar de aur kuch bhi muJhe darkaar nahiN hai lekin meri chaadar mere pairoN ke baraabar kar de 2. Ye to nahiN ke gam nahiN haaN meri aaNkh nam nahiN tum bhi to tum nahiN ho aaj hum bhi to aaj hum nahiN ab na khushi kee hai khushi gam ka bhi ab to gam nahiN maut agar che-maut hai maut se zeest kam nahiN 3. kabhi guncha kabhi shola kabhi shabnam kee tarah log milte haiN badalte huye mausam kee tarah mere mehboob mere pyaar ko ilzaam na de hiJr meiN eed manaayee hai moharrum ki tarah maine khushboo kee tarah tuJhko kiya hai mehsoos dil ne chheDa hai teri yaad ko shabnam ki tarah kaise ham-dard ho tum kaisee masihaayee hai dil pe nashtar bhi lagaate ho to marham ki tarah 4. socha nahiN achcha bura dekha suna kuch bhi nahiN maanga khuda se raat din tere siwa kuch bhi nahiN dekha tuJhe socha tuJhe chaaha tuJhe pooja tuJhe meri khata meri wafa teri khata kuch bhi nahiN jispar hamari aaNkh ne moti bichchaaye raat bhar bheja wohi kaagaz tuJhe humne likha kuch bhi nahiN ek shaam ki dahleez par baithe rahe wo der taq aankhoN se kee baateN bahot humne kaha kuch bhi nahiN 5. kabhi to khul ke baras ab ke meherbaaN ki taraH mera wazood hai jalte huye makaN kee taraH main ik khwaab sahee aapki amaanat hooN muJhe sambhaaL ke rakhiyegaa jism-o-jaaN ki taraH kabhi to soch ke wo saKsh kis kadar tha buland jo bichh gaya tere kadmoN meiN aasmaaN ki taraH bula rahaa hai muJhe fir kisi badan ka basanth guzar na jaaye ye ruth bhi kahiN khizaaN ki taraH 6. jinko duniyaN kee nigaaHoN se chupaaye rakha jinko ik umR kaleje se lagaaye rakha din jinko, jinHe eemaan banaaye rakha tune duniyaN kee nigaaHoN se jo bachkar likhe salha-saal mere naam baraabar likhe kabhi din meiN to kabhi raat meiN uThkar likhe pyaar meiN dooBe huye khat maiN jalaata kaise tere haathoN ke likhe khat maiN jalaata kaise tere khat aaj maiN ganga meiN baha aaya hooN aag jalte huye paaNi meiN laga aaya hooN. 7. aaNkh se aaNkh milaa, baat banaata kyooN hai tu agar muJhse khafa hai to chupaata kyooN hai gair lagta hai hai na apnO ki taraH miltaa hai tu zamaane kee taraH muJhko sataata kyooN hai waqt ke saath haalaat badal jaate haiN ye haqeeqat hai magar muJhko sunaata kyooN hai ek muddat se jahaN kaafile gujre hi nahiN aisi raahoN pe charaagoN ko jalaata kyooN hai 8. manzil na de charaag na de hauslaa to de tinke ka hi sahee tu magar aasraa to de maiNe ye kab kaha ke mere haq meiN ho jawaab lekin khamosh kyooN hai tu koi faislaa to de barsoN maiN tere naam pe khaata raha fareb mere khuda kahaN hai tu apna pata to de beshaq mere naseeb pe rakh apnaa ikhtiyaar lekin mere naseeb meiN kya hai bata to de Lyrics : Shahid Meer (1) Firaq Gorakhpuri (2) Rana Sahri (3 & 8) Bashir Badr (4) Prem Warbartni (5) Rajendranath Rahbar(6) Saeed Rahi (7) Music : Jagjit Singh Voices : Jagjit Singh Chitra Singh Top
  Mirza Ghalib Ibteda haiN aur bhee duniya meiN suKHanwar bohot achche kehte haiN ki 'GHalib' ka hai andaaz-e-bayaaN aur Balli maarhah ke mahalle ki wo pechida daleeloN ki see wo galiYan saamne Taal ke nuKkad pe baTeroN ke posheede guD-guDaati hui paaN pi peekoN meiN wo daad wo waH-waH chand darwaaze par laTke huye boshida se kuch TaaT ke parde ek baKri ke mamiyaane ki awaaZ aur dhoondhlaayi huyi shaam ke be-noor andhere aise deewaroN se mooH joD kar chalte haiN yahaN chuDi-waala unke katri ke badi bee jaise apNi boojHti hui aaNkhoN se darwaaze TaTole aisee be-noor andheri see gali qaasim se ek quran-e-sukhan ka safa khulta hai asad allah Khan 'GHalib' ka patha milta hai. 1. har ek baat pe kehte ho tum ke 'too kya hai' ? tumheeN kaho ke yeh andaaz-e-guftgoo kya hai ? ragoN meiN dauDte firne ke ham naheeN qaayal jab aaNkh hee se na Tapka to fir lahoo kya hai ? chipak raha hai badan par lahoo se pairaahan hamaaree jeb ko ab haajat-e-rafoo kya hai ? jalaa hai jicm jahaaN dil bhee jal gaya hoga kuredate ho jo ab raakh, justjoo kya hai ? rahee na taaqat-e-guftaar, aur agar ho bhee to kis ummeed pe kahiye ke aarzoo kya hai ? 2. aah ko chaahiye ik 'umr asar hone tak kaun jeeta hai teree zulf ke sar hone tak ? aashiqee sabr talab aur tamanna betaab dil ka kya rang karooN KHoon-e-jigar hone tak ? ham ne maana ke taGHaful na karoge, lekin KHaak ho jaayeNge ham tumko KHabar hone tak GHam-e-hastee ka 'Asad' kis'se ho juz marg ilaaz shamma'a har rang meiN jaltee hai sahar hone tak 3. ishq mujhko naheeN, wehshat hee sahee meree wehshat, teree shohrat hee sahee ham bhee dushman to naheeN haiN apne GHair ko tujh se mohabbat hee sahee ham koee tarq-e-wafa karte haiN na sahee ishq, museebat hee sahee 4. qaasid ke aate aate khat ik aur likh rakhooN main jaanta hooN jo wo liKhenge jawaab meiN kab se hooN kya bataaooN jahaan mein kharaab meiN jab haaye hizr ko bhi rakhoo gar hisaab meiN muJh tak kab unki bazm meiN aata thaa dauR-e-jaam saaqi neiN kuch mila na diya ho sharaab meiN taaqir na intezaar meiN neeNd aaye umr bhar aaNe ka 'ehed kar gaYe aaYe jo khwaaB meiN 'GHalib' chuTi sharaab par ab bhi kabHi kabHi peeta hooN roj-e-abro shab-e-maahtaab meiN 5. hazaaroN KHwahishaiN 'eisee ke har KHwahish pe dam nikle bohot nikle mere armaaN lekin fir bhee kam nikle nikalna KHuld se aadam ka sunte aayaiN haiN lekin bohot be_aabru hokar tere kooche se ham nikle mohabbat meiN naheeN hai farq jeene aur marne kaa usee ko dekh kar jeete haiN jis kaafir pe dam nikle KHuda ke waaste parda na kaabe se uThaa zaalim kaheeN 'eisa na ho yaaN bhee wohee kaafir sanam nikle kahaaN maiKHaane ka darwaaza 'GHalib' aur kahaaN waaiz par itana jaante haiN kal wo jaata tha ke ham nikle 6. dil hee to hai na sang-o-KHisht dard se bhar na aaye kyoN ? royeNge ham hazaar baar, koee hameiN sataaye kyoN ? dair naheeN, haram naheeN, dar naheeN, aastaaN naheeN baiTHe haiN rehguzar pe ham, GHair hameiN uTHaaye kyoN ? haaN wo naheeN KHuda_parast, jaao wo be_wafa sahee jisko ho deen-o-dil 'azeez, uskee galee meiN jaaye kyoN ? 'GHalib'-e-KHasta ke baGHair kaun se kaam band haiN ? roiye zaar-zaar kya, keejiye haay-haay kyoN ? 7. woh firaaq aur woh wisaal kahaaN ? woh shab-o-roz-o-maah-o-saal kahaaN ? thee woh ik shaKHs ke tasavvur se ab woh raanaai-e-KHayaal kahaaN ? 'eisa aasaaN naheeN lahoo rona dil meiN taaqat jigar meiN haal kahaaN ? fikr-e-duniyaaN meiN sar khapaata hooN maiN kahaaN aur ye wabaal kahaaN ? 8. tere waade par jiye ham to ye jaan jhooT jaanaa ke KHushee se mar na jaate agar 'eitabaar hota ye na thee hamaaree qismat ke wisaal-e-yaar hota agar aur jeete rehte yahee intezaar hota ye kahaaN ki dostee hai ke bane haiN dost naaseh koee chaarasaaz hota, koee GHamgusaar hota kahooN kis se maiN ke kya hai, shab-e-GHam buree bala hai mujhe kya bura tha marna ? agar ek baar hota 9. baazeechaa-e-atfaal hai duniya mere aage hota hai shab-o-roz tamaasha mere aage hota hai nihaaN gard meiN sehara mere hote ghisata hai jabeeN KHaak pe dariya mere aage mat pooch ke kya haal hai mera tere peeche ? too dekh ke kya rang tera mere aage imaaN mujhe roke hai jo khiNche hai mujhe kufr ka'aba mere peeche hai kaleesa mere aage go haath ko jumbish naheeN aaNhoN meiN to dam hai rehne do abhee saaGHar-o-meena mere aage 10. kisee ko de ke dil koee nawaa_sanj-e-fuGHaaN kyoN ho ? na ho jab dil hee seene meiN to fir muNh meiN zubaaN kyoN ho ? wafa kaisee ? kahaaN ka ishq ? jab sar phoDna THehra to fir 'ei sang_dil tera hee sang-e-aastaaN kyoN ho ? yahee hai aazmaana to sataana kis ko kehte haiN ? `adoo ke ho liye jab tum to mera imtihaaN kyoN ho ? qafas meiN mujh se roodaad-e-chaman kehte na Dar hamdam giree hai jis pe kal bijlee woh mera aashiyaaN kyoN ho ? 11. ye na thee hamaaree qismat ke wisaal-e-yaar hota agar aur jeete rehte yahee intezaar hota koee mere dil se pooche tere teer-e-neemkash ko ye KHalish kahaaN se hotee jo jigar ke paar hota kahooN kis se maiN ke kya hai, shab-e-GHam buree bala hai mujhe kya bura tha marna ? agar ek baar hota 12. koee din gar zindagaanee aur hai apne jee meiN hamne THaanee aur hai baarha dekhee haiN unkee ranjishaiN par kuchch ab ke sar_giraanee aur hai deke KHat muNh dekhta hai naamabar kuchch to paiGHaam-e-zabaanee aur hai ho chukeeN 'GHalib' balaayeN sab tamaam ek marg-e-naagahaanee aur hai 13. dil hee to hai na sang-o-KHisht dard se bhar na aaye kyoN ? royeNge ham hazaar baar, koee hameiN sataaye kyoN ? qaid-e-hayaat-o-band-e-GHam asl meiN dono ek haiN maut se pehle aadmee GHam se nijaat paaye kyoN ? 'GHalib'-e-KHasta ke baGHair kaun se kaam band haiN ? roiye zaar-zaar kya, keejiye haay-haay kyoN ? 14. zulmat_kade meiN mere shab-e-GHam ka josh hai ik shamma'a hai daleel-e-sahar, so KHamosh hai daaGH-e-firaaq-e-sohabat-e-shab kee jalee hooee ik shamma`a reh gaee hai so wo bhee KHamosh hai aate haiN GHaib se ye mazaameeN KHayaal meiN 'GHalib', sareer-e-KHaama nawa-e-sarosh hai 15. dil-e-naadaaN tujhe huaa kya hai ? aaKHir is dard kee dawa kya hai hamko unse wafa ki hai ummeed jo naheeN jaante wafa kya hai dil-e-naadaaN tujhe huaa kya hai ? aaKHir is dard kee dawa kya hai ham haiN mushtaaq aur woh bezaar ya ilaahee ! yeh maajra kya hai ? jab ki tujh bin naheeN koee maujood fir ye hangaama, 'ei KHuda ! kya hai jaan tum par nisaar karta hooN maiN naheeN jaanata duaa kya hai 16. unke dekhe se jo aa jaathi hai moonH par raunaq wo samajhteN haiN ke beemaar ka haal achcha hai dekhiye paate haiN pushaaq butoN se kya faiZ ik barhaman ne kaha hai ke ye saal achcha hai humko maaloom hai jannat ki haqeeqat lekin dil ko khusH rakHne ko 'GHalib' ye khayaal achcha hai 17. sab kahan-kuch lala-o-gul mein numaayaN ho gayee KHaaK mein kya surateN hongi ke piNhaN ho gayee ranZ se khu-garZ hua insaaN to mit jaata hai ranZ musHkilyeN muJh par padi itnee ke aasaaN ho gayee yuN hi gar rota raha 'GHalib' to e-ehle jahaaN deKHna in bastiyoN ko tum ke weeraaN ho gayee 18. na tha kuchch to KHuda tha, kuchch na hota to KHuda hota duboya mujhko hone ne, na hota maiN to kya hota ? huaa jab GHam se yooN behis to GHam kya sar ke kaTne ka na hota gar juda tan se to zaanooN par dhaRa hota huee muddat ke 'GHalib' mar gaya par yaad aata hai wo har ek baat pe kehana, ke yooN hota to kya hota ? Lyrics : Mirza Ghalib Music : Jagjeet Singh Voices : Jagjeet Singh Chitra Singh Vinod Sehgal Gulzar Top
  Passion / Black Magic 1. pathaR ke kHuda, pathar ke sanam pathaR ke hi insaaN paayeN haiN tum sehre-e-mohabbat kehte Ho Hum jaaN bachcha-kar aayeN haiN but-khaaNa samajhte Ho jisko puchcho na wahan kyaa haalat hai Hum loG wahin se lauTe haiN bas shukr karO lauT aaye haiN Hum sonch raHeN haiN muddat se ab umR guzaareN bhi to kaHaN sehra meiN khusHi ke Phool nahiN shehroN meiN gamon ke Saaye haiN hoThoN pe tabassuM halqa sa aankhoN meiN nami si a'e Faaqir Hum aehle-e-mohabbat par aksar aise bhi zamaaNe aaye haiN 2. jaB bHi tanhaaYee se ghabraaKe simaT jaate haiN Hum teri yaaD ke daaman se lipaT jaate haiN unpe thoofaN ko bhi afSoS hua karta hai wo safine jo kinaroN pe ulaT jaate haiN Hum to aaye the' raheN saaKh meiN phooloN ki tarah tum agar haar samajhte ho to haT jaate haiN 3. jaWaani ke heele, haya ke baHaane Ye maana ke tum mujhse parda karOgi Ye duniyaN magar tuJhsee bHolee nahiN hai chupaake mohabbat ko rusWa karogee baDi koshishoN se, baDi kHwaahishoN se taMaNNa ke seHmi hui saaJishoN se mileGa jo mauka to be-chain hokar darichoN se tum mujhko dekha kaRoGi sataayeGi jaB chaandni ki udaasi duKhaayeGi dil jab fiZaa ki khamosHi ufaQ ki taraH khaali nazareN jamaakar kabHi jo na socha wo socha karoGi kabhi dil ki dhaDkan mehsoos hoGi kabhi thanDi saaSoN ki thooFaaN uTheGi kabhi Gir ke bishtar pe aaHeN bharoGi kabhi jHuK ke takiye pe roYa karogi 4. Ye kya JaaNe mein Jaana hai, jaate ho khafaa hoKaR Main jab jaanooN, mere dil se chale-jaao juda hoKaR qayaamat taak uDegi dil se uThkar khaaq aankhoN taq isee raste gaya hai hasratoN ka kaafila hoKaR tumHi ab dard-e-dil ke naaM se ghaBraaYe jaate ho tumHi to dil meiN shaayad Aaye the' dard-e-aashiYaN hoKaR yooNhi hamdam ghaDi bhar ko mila karte tho behtaR tha ke dono waqt jaise roz milte haiN juda hoKaR 5. maiN pilaakaR aapka kya jaaYeGa jaaYega eemaaN jiska jaaYeGa dekHkar mujhKo wo sharmaa jaaYeGa Ye tamaasHa kis-se dekha jaaYeGa jaaooN buth-khaane se kyoon kaabe ko maiN haaTh se ye bhi Thikaana jaaYeGa qaTl ki jab usne di dhamKi mujHe keH diya maiNe bhi deKha jaaYeGa pee bhi le do ghooNt zaahiD pee bhi le maiqade se kaun pyaasa jaaYeGa 6. hai ikhtiyaar mein tere to mauJ sa kar de wo shakhs mera nahiN hai usse mera kar de mere kHizaN kahiN kahtM hi nahiN hota zara see door ro rasta hara bhara kar de maiN uske shor ko dekhooN wo mera sab .... muJhe charag bana de usse haWa kar de aKeli shaam bahut hi udaaS karti hai kisiko bHeJ, koi mera hum-nawa kar de 7. Ye bhi Kya ehsaaN kam hai dekhiye na aap ka ho raha hai har taraF charcha humara aap ka chaanD meiN to daaG hai par aape mein wo bhi nahiN chaudHwi ke chaanD se baDhke hai chechra aap ka isHq meiN aise bhi hum dooBe huye haiN aap-ke apne chechRe pe sada hota hai dhoKha aap ka chaanD-suraJ, dhoop-subaHah, keh-kasHa taare-shama haR ujaale ne churaaYa hai uJaala aap ka 8. agar hum kaheN aur wo mushkura deiN Hum unke liye zindgaaNi luTa deiN har ik mod par Hum gamoN ko sazaa deiN chalO zindaGi ko mohabbat bana deiN aGar khud ko bhoole to kuch bhi na bhoole ke chaahat meiN unkee khuda ko bhula deiN kabHi gam kee aandhee jinHeN choo na paaye wafa ke Hum wo nashe-Man bana deiN qayaamat ke deewaane kehte haiN humse chalO unke chehRe se parda haTa deiN saza de silaa de, bana de miTaa de maGar wo koi fiaslaa to sunaa de Lyrics : Sudarshan Faakir (1, 2 and 8) Prem Varbatni (3) Seemab Akbrabadi (4) Bekhud (5) Rana Sahri (6) Wajida Tabassum (7) Music : Jagjit Singh Voices : Jagjit Singh Chitra Singh Top
  Someone Somewhere Introduction We dedicate this ablum to the ever loving memories of our only son Vivek, who left us forever, at the age of 18, on the 28th of July 1990. When Vivek was born, he filled our lives with joy and music. Baboo, as we fondly called him, gave us all the success that we have had eversince he came into our lives. Baboo, right from his infancy, had a tremendous talent for music. His passion was for rhythm and currently he used to play the drums beautifully. Baboo has always influenced our music with his astute and invaluable suggestions and constructive criticism. We were half way through recording these songs for a double ablum, when Baboo left us so suddenly. These are a few of the songs we had managed to complete earlier. We don't know if these would have met with his approval. -Jagjit Singh Chitra Singh 1. din guzar gaya, ai'thbaar meiN raat kat gayI intezaar meiN wo maza kahaN basLe yaat meiN lutF jo milaa intezaar meiN Unki ik nazar kaam kar gaYi hosh ab kahaN hoshiyar meiN mere kabze meiN aaiyeena to hai maiN hooN aapke ikhtiyaar meiN aanKh to uthee phool ki taraF dil ulaZh gaya husn-haar meiN tumse kya kaheN, kitne Gam saheN hamNe be-wafa tere pyaar meiN fikR-e-aashiyaan har khizaam ki aashiYaan jalaa har bahaar meiN kis taraH Ye Gham bhool jaaYe hum wo juDa hua ishtihaar meiN 2. meRi zindagi kisi aur ki, mere naaM ka koi auR hai mera naqsh hai sar-e-aayina, pase aayina koi auR hai meri dhaDkanoN meiN hai chaapsi, ye judaaee bhi hai milaapsee muJhe kya patha, mere dil batha, mere saath kya koi auR hai na gaYe diNo ko kHabar meri, na shareeke haal nazar teri tere desh meiN, mere bhesH mein, koi auR tha, koi auR hai wo meRi taraF niGraan rahe, mera dhyaan jaaNe kahaN rahe meri aanKh meiN kai soorateN, mujhe chaahta koi auR hai 3. ab ke barsaat ki ruTh aur bHi bHadkili hai jisHm se aaG nikalti hai, kaBaN gili hai sonchta hooN ke ab anjaam-e-safar kya hoGa log bhi kaanch ke haiN, raaH bhi pathrili hai pehLe rag-rag se meri kHoon nicHoDa us'sne ab Ye kehtha hai ke rangat hi meri peelee hai muJhko be-rang hi na karde kahiN rang itNe sabz mausam hai, hawa surkh, fizaaN gili hai 4. faasila to hai magar, koi faasila nahiN muJhse tum juDa sahi, dil se to juDa nahiN aasmaaN ki fiqR kya, aasmaaN khafaa sahee aap Ye bataaye'e aap to khafa nahiN kashTiyaaN nahiN to kya, hausle to paaS haiN keh do na-khudaaoN se, tum koi khuDa nahiN lijiye bula liya, aapko khayaaloN meiN ab to dekhiYe hameN, koi dekhTa nahiN aaeeye charaaG-e-dil, aaj hi jalaaYeN hum kaisi kal hawa chali, koi jaanta nahiN 5. aadmi aadmi ko kya degaa jo bhi dega woHi khuDa dega meRa qaatil hi mera munsib hai kya mere haq meiN faisLa dega zindagI ko kareeb se dekho iska chehRa tumhe rulaa dega hamse pucho dosthi ka silaa dushmanOn ka bhi dil hilaa dega ishq ka zehar pee liya 'Faakir' ab maseeha bhi kya dawa dega 6. mere dukh ki koi dawa na karO muJhko muJhse abhi juda na karO na-khuda ko khuda kaha hai to fir doob jaao khuda-khuda na karO Ye siKhaya hai dosthi ne hame dosth bankar kabhi wafa na karO ishq hai ishq Ye mazaq nahiN chanD lamhoN meiN faishlaa na karO aashiqi ho ke bandagi 'Faakir' be-dili se to ye fida na karO 7. koi samJhega kya raz-e-gulshan jab taq ulJhe na kaanTon se daamaN yaq-ba-yaq saamne aana jaana ruk na jaaye kahin dil ki dhaDkan gul to gul-zaar taq chun liye haiN fir bhi kHaali hai khurchi ka daamaN kitni aara'ishYen aashiyaana TooT jaaye na nasha fir nashe meiN HashmateN aashiyaana baNa dee barF ko dosth samjhooN ke dushmaN 8. dekHa to mera saaya bhi mujhse juda mila socha to har kisi se mera sil-sila mila sehar-e-wafa meiN ab kise ehl'-e-wafa kaheN humse gale mila to wo hi be-wafa mila furshaT kise thi jo meri haalaath poochchta har shakhs apne baare meiN kuch sonchtha mila ussne to khair apno se moda that mooh haya maiNe ye kya kiya ke maiN gairoN se jaa mila Lyrics : Fayyaz Ahmed Fayyaz and Fana Nizami (1) Muzaffar Warsi (2 and 3) Shamim Karhani (4) Sudarshan Faakir (5 and 6) Fana Nizami (7) Ayaz Jhansvi (8) Music : Jagjit Singh Voices : Jagjit Singh Chitra Singh Top
  Beyond Time 1. apni aankho ke samundar meiN utar jaane de tera mujrim hoon mujhe doob ke mar jaane de ay nayey dosth maiN samjhoonga tujhe bhee apna pehle maazi ka koi zakhm to bhar jaane de aag duniya ki lagayee hui bhuj jayeygee koi aansoo mere daaman pe bikhar jaane de zakhm kitne teri chaahat se mile haiN mujko soNchtaa hoon ki kahoon tujhse magar jaane de 2. neend se aankh khuli hai abhi dekha kya hai dekh lena abhi kuch der meiN duniya kya hai baandh rakha hai kisee sonch ne ghar say humko Varna apna dar-o-deewar se rishta kya hai ret ki eenT ki pathar ki hooN ya miTTi ki kisi deewar ke saye ka barosa kya hai apni daanist me samjhay koi duniya `Shahid' warna hathoN meiN lakiroN ke ilaawa kya hai 3. apni aag ko zinda rakhna kitna mushkil hai patthar beech aaeeena rakhna kitna mushkil hai kitna aasaaN hai tasveer banaana auroN kee khud ko pase-aaeenaa rakhna kitna mushkil hai tumne mandir dekhe honge ye mera aangan hai ek diya bhee jalta rakhna kitna mushkil hai chullu meiN ho dard ka dariya dhyaan meiN uske hoNTh yuN bhee khud ko pyaasa rakhna kitna mushkil hai 4. Lab-e-khaamosh se izhaar-e-tamanna chaahe baat karne ko bhee tasveer ka lehJa chaahe tu chale saath to aahaT bhee na aaye apni dar meiN aahan bhee na ho yuN tuJhe tanha chaahe khwaab meiN roye to ehsaas ho sairaaBi ka ret par soYeN magar aankh meiN dariya chaahe aise tairaaq bhee dekhe haiN 'muzaffar' humne gharq hone ke liye bhee jo sahara chaahe 5. log har mod pe ruk ruk ke sambhalte kyoon haiN itna dartay hain to phir ghar say nikaltay kyoon haiN main na jugnu hoon diya hoon na koi tara hoon roshni vaalay meray naam say jaltay kyoon haiN neend se mera taaluq hi nahin barso sein khawab aa aa kay meri chhat pay tehltay kyoon haiN mod hotaa hai jawaani ka sambhalne kay liye aur sab log yahin aa kay fisaltay kyoon haiN 6. mera dil bhi shauk say todo ek tajurba aur sahee lakh khilonay tod chukay ho ek khilona aur sahee raat hai gham ki aaj bhuja do jalta hua har ek chirag dil mein andhera ho hi chuka hai ghar mein andhera aur sahee dam hai niklta ik aashiq ka bheed hai aa kar dekh to lo lakh tamashay dekhay hongay ek nazaara aur sahee khanjar ley kar saunchtay kya ho qatl `Murad' bhi kar daalo daag hain sau daaman pe tumharay ek izaafa aur sahee 7. jhoothi sachchi aas pay jeena kab tak aakhir aakhir kab tak mai ki jagah khoon-e-dil peena kab tak aakhir aakhir kab tak saucha hai ab paar utraingay ya Takra kar doob marenge toofanoN ki zad pay safeena kab tak aakhir aakhir kab tak ek maheene ke waade par saal guzaara phir bhi na aaye waade ka yeh ek maheena kab tak aakhir aakhir kab tak saamnay duniya bhar ke gham hain aur idhar ik tanha hum hain sainkDo pathar ik aaiana kab tak aakhir aakhir kab tak 8. saare badan ka khoon paseene meiN jal gaya itna chale ke jiSm hamara piGhal gaya chalthehi gin rahe the' museebat ke raat din dam lene hum jo baith gaye dam nikal gaya achha hua jo raah meiN Thokar lagee humeN hum gir paDe to saara jamaana sambhal gaya wehshat meiN koi saath humara na de saka daaman ke fiKr kee to garebaaN nikal gaya 9. saamne hai jo usey log bura kehte haiN jisko dekha hee nahi usko khuda kehte haiN zindagi ko bhee sila kehte haiN kehne waale jeene waale to gunaahoN kee saza kehte haiN faasile umR ke kuch aur badha deti hai jaaney kyoon log use phir bhee dawa kehte haiN chand masoom se pattoN ka lahoo hai `Fakir' jisko mehboob ke haathoN ki hina kehte haiN 10. ye kareN aur wo kareN aisa kareN waisa kareN zindagi do din ki hai do din mein hum kya kya kareN jee meiN aaata hai ki deiN parde se parde ka jawaab hum se wo parda kareN duniyaa se hum parda kareN sun raha hoon kuch luTere aa gayey haiN shehar meiN aap jaldi bandh apne ghar ka darwazaa kareN is puraani be-wafa duniya ka rona kab talak aaiyey mil-jul ke ik duniya nayee paida kareN 11. jahan jahan mujhe sehra dikhayee deta hai meri tarah se akela dikhayee deta hai yeh ek abR ka tukDa kahan kahan barse tamam dasht hi pyaasa dikhayee deta hai yeh kis maqaam pe laayee hai justjoo teri jahan se arsh bhi nicha dikhayee deta hai 12. Shaayad aa jaayega saaqi ko taras ab ke baras Lyrics : Nazir Bakri (1) Shahid Kabir (2) Ishrat Afreen (3) Muzaffar Warsi (4) Rahat Indori (5) Murad Lucknowi (6) Kashif Indori (7) Mohammad Durrani (8) Sudarshan Faakir (9) Nazir Banarsi (10) Shakeb Jalali (11) Music : Jagjit Singh Voices : Jagjit Singh Chitra Singh Note : not on CD (11, 12) Top
  H O P E Introduction H O P E What the whole world lives on. An integral part of our insatiable existence. Just as the unforgettable ghazals of Jagjit and Chitra Singh have become. JAGJIT AND CHITRA SING. ACCOLADES, TITLES, AWARDS matter much less to this redoubtable duo. Today, their hope now, is to, each time, create an ablubm better than their previous one; to transcend the heights they have already conquered. 'Someone Somewhere' their most recent album, was dedicated to memory of their beloved son, Vivek, the biggest HOPE of their lives. 'HOPE' is being released on Vivek's birth anniversary 20 August; a testimony to his parents' perennial quest of bringing happiness into the lives of music lovers. Is the GHAZAL wave really on an ebb? With this album, Jagjit and Chitra Singh, the pioneers of the Ghazal wave, keep the HOPE in Ghazal lovers alive. As long as they continue to regale their fans, Ghazals will endure. Human life is transient, but Jagjit and Chitra's Ghazals have achieved immortality. Each new collection of Ghazals will be eagerly awaited, with the same enthusiasm, the same sentiment. H O P E 1. khudaa humKo aisee khudaayee na de ke apNe siWa kuchch dikhaayee na de khataWaar samjhegee duniyaaN tujhe ke itnee ziyaada safaayee na de haNso aaj itnaa ke is shoR meiN sada siskiyoN ki sunaaYee na de abhi to badan meiN lahoo hai bahot kalam cheen le roshnaayee na de kHuda aise ehsaas ka naaM hai rahe saamNe aur dikhaYee na de 2. ab khushi hai na koi Gam rulaaNe-waaLa humNe apna liya har ranG zamaane-waaLa usko ruKhsat to kiYa tha mujhe maloom na tha saara Ghar le gaya, ghar chod ke jaane-waaLa ik musaFiR ke safaR jaisi hai sabki duniyaN koi jalDi meiN koi de'r se jaane-waaLa ek be-chehRa see ummid hai chehra-chehra jis taraF dekhiYe aane ko hai aane-waaLa 3. dekHa jo aa'inah to muJhe sochna paDa khuD se na mil saka to muJhe sochna paDa uska jo kHat mila to muJhe sochna paDa apna sa wo laGa to muJhe sochna paDa muJhko tha gumaaN ke muhhi-meiN hai ek waNa deKha teri aNaa to muJhe sochna paDa duniYa samaJh rahee thee ke naraaz muJhse hai lekiN wo jab mila to muJhe sochna paDa ik din wo mere aiB giNaane laga kaRaar jab khud hi thak gaya to muJhe sochna pada 4. na sHiwaale, na qalisa, na haRam jhooTe haiN bas yaHi sach hai ke tum jhoote ho hum jhooTe haiN humne deKha hee nahi bolte unko ab taq kaun kehta hai ke paThar ke sanam jhooTe haiN unse miliye to khushi hoti hai unse milkar sehar ke doosre logoN se jo kam jhooTe haiN kucH to hai baat jo teHriroN meiN taasir nahiN jhooTe Fanqaar nahiN haiN to qalam jhooTe haiN 5. dhooP hai kya aur saaYa kya hai ab maLoom hua ye sab khel tamasha kya hai ba maLoom hua hanSte phool ka chehRa dekhooN aur bhaR aayi aanKh apNe saath ye kissa kya hai ab maLoom hua hum barsoN ke baad bhi unKo ab taq bHool na paaye dil se unka rishtaa kya hai ab maLoom hua sehra sehra pyaase bhaTke saari umR jale baadal ka ik TukDa kya hai ab maLoom hua 6. kya khabaR thee is taraH se wo juDa ho jaaYega khwaab meiN bhi uska milNa khwaab sa ho jaaYega zindaGi thee qaid hum'me kya nikaaLoge use maut jab aa jaaYegi to khud rihaa ho jaaYega dosTh bankar usKo chaaha Ye kabHi socha na tha dosThi hee dosThi meiN wo khuDaa ho jaaYega uska jalWa hoGa kya jiska ke parda noor hai jo bHI usko deKh lega wo fidaa ho jaaYega 7. taNha taNha hum ro lenge mehFil mehFil gaaYenge jaB taq aansoo saath rahenge taB taq geet sunaaYenge tum jo soncho wo tum jaano hum to apni kehte haiN der na karna Ghar jaane meiN warna ghar kho jaaYenge bachchoN ke choTe haathon ko chaanD sitaareN chooNe do chaar kitaaBe paDh kar wo bHi hum jaise ho jaaYenge kin raahoN se door hai manzil kauN sa rasta aasaaN hai hum jab thal kar ruk jaaYenge, auroN ko samJhaayenge achchee soorat waale saare patthar dil hoN mumkin hai hum to uss din raaYeN deNge jis din dhoKha khaaYenge 8. aise hiJr ke mausam tab tab aate haiN teRe alaawa Yaad hame sab aate haiN jaadu ki aaNkhoN se bhi dekho duniya ko khwaaboN ka kya hai wo har sab aate haiN ab ke saFar ki baaT nahin baaqi waRna hum ko bulaaYen dasth se jab wo aate haiN kaaGaz ki kasthi meiN dariya paar kiya dekho hum ko kya kya kartaB aate haiN Lyrics : Bashir Badr (1) Nida Fazli (2 and 7) Faragh Roohvi (3) Ayaz Jhansvi (4) Zafar Gorakhpuri (5) Rustom Sehgal Wafa (6) Shahryar (8) Music : Jagjit Singh Voices : Jagjit Singh Chitra Singh Top
  Sajda Volume I 1. dard se mera daaman bharde ya allah phir chahe deewana karde ya allah maine tuJh se chaand sitaare kab maange roshan dil bedaar nazar de ya allah suraj si ek cheez to hum sab dekh chuke sachmuch ki ab koi saher de ya allah ya dharti ke zakhmon par marham rakhde ya mera dil patthar kar de ya allah 2. tuJhse milne ki saza denge tere shehar ke log ye wafaoN ka sila denge tere shehar ke log kya khabar thee tere milne pe qayamat hogi muJhko deewaana bana denge tere shehar ke log teri nazaroN se giraane ke liye jaane-haya muJhko mujrim bhi bana denge tere shehar ke log kehke deewana muJhe maar rahe haiN patthar aur kya iske siwa denge tere shehar ke log 3. gham ka khazana tera bhi hai mera bhi ye nazraana tera bhi hai mera bhi apne gam ko geet bana kar gaa lena raag purana tera bhi hai mera bhi tu muJhko aur maiN tuJhko samJhaaooN kya dil deewana tera bhi hai mera bhi shehar meiN galiYoN galiYoN jiska charcha hai wo afsaana tera bhi hai mera bhi maikhaane kee baat na kar waaiz muJhse aana-jaana tera bhi hai mera bhi 4. kisko qaatil maiN kahooN kisko maseehaa samaJhooN sab yahaaN dost hee baiThe haiN kise kyA samaJhooN wo bhI kyA din the ke har vaham yakeeN hotA tha ab haqeekat nazar aaye to use kyA samaJhooN dil jo TooTaa to kaI haath duaa ko uTThe aise mAhaul meiN ab kis'ko paraayaa samaJhooN zulm ye hai ke hai yaqtaa terI begAnaaravee lutf ye hai ke maiN ab tak tujhe apanA samaJhooN 5. dil meiN ab dard-e-mohabbat ke siwa kuch bhi nahiN zindagi meri ibaadat ke siva kuch bhi nahiN maiN teri baargah-e-naaz mein kya pesh karoon meri Jholi meiN mohabbat ke siwa kuch bhi nahiN aye khuda muJh se na le mere gunaahoN ka hisaab mere paas ashq-e-nadamat ke siwa kuch bhi nahiN woh to miT kar muJhe mil hi gayee rahat waRna zindagi ranj-o-museebat ke siwa kuch bhi nahiN 6. har taraf har jagah beshumaar aadmee phir bhi tanhaaiyoN ka shikaar aadmee subah se shaam tak bojh Dhotaa hua apanee hi laash ka khud mazaaR aadmee har taraf bhaagate dauDate raaste har taraf aadmee ka shikaar aadmee roz jeetaa huA roz martaa hua har naye din nayaa intezaar aadmee zindagee kA muqaddar safar dar safar aakhree saaNs tak beqaraar aadmee 7. aankh se door na ho dil se utar jaayega waqt ka kya hai guzarta hai guzar jayega itna manoos na ho khilwat-e-gham se apni tu kabhi khud ko bhi dekhega to dar jayega tum sar-e-raah-e-wafa dekhte reh jaoge aur woh baam-e-rifaqat se utar jayega zindagi teri ata hai to yeh jaane wala teri bakhshish teri dahleez pe dhar jayega Volume II 8. meri tasveer meiN rang aur kisi ka to nahiN gher le muJhko sab aaNkheN maiN tamasha to nahiN zindagi tuJhse se har ik saaNs pe samJhauta karooN shauK jeene ka hai muJhko magar itna to nahiN rooh ko dard mila dard ko aaNkheN na mili tuJhko mehsoos kiya hai tuJhse dekha to nahiN soNchte soNchte dil dooBne lagta hai mera zehaN kee tay meiN 'muzaffar' koi dariya to nahiN 9. mausam ko ishaaroN se bula kyoon nahiN lete rooThaa hai agar wo to manaa kyooN naheeN lete deewaana tumhaaraa koI gair naheeN machalaa bhI to seene se lagaa kyooN naheeN lete khat likhkar kabhI aur kabhI khat ko jalaakar tanhaaee ko raNgeen bana kyooN naheeN lete tum jaag rahe ho muJhako achchhaa naheeN lagtaa chupake se merI neeNd churaa kyooN naheeN lete 10. jo bhee bura bhala hai allah janta hai bande ke dil meiN kya hai allah janta hai yeh farsh-o-arsh kya hai allah janta hai pardoN meiN kya chhupa hai allah janta hai jaakar jahaan se koi wapas nahiN hai aata woh kaunsi jagah hai allah janta hai neki-badi ko apnee kitna hi tu chupaaye allah ko sab pata hai allah janta hai ye dhoop-chaoN dekho ye subah-shaam dekho sab kyoon ye ho raha hai allah janta hai kismat ke naam ko to sab jaante haiN lekin kismat meiN kya likha hai allah janta hai 11. dhoop meiN niklO ghaTaaOn meiN naha kar dekho zindagee kya hai kitaaboN ko haTaakar dekho wo sitaaraa chamakane do yooNhee aaNkhoN meiN kya zarooree hai us'e jism banaakar dekho pattharoN meiN bhee zubaaN hotI hai dil hota hai apane ghar ke dar-o-deewaar sajaakar dekho faasilaa nazaroN kA dhokhaa bhee to ho saktaa hai wo mile yA nA mile haath baDhaakar dekho 12. dhooaaN banake fizaaN meiN udaa diyaa muJhko maiN jal raha tha kisi ne bhJha diya muJhko khaDa hooN aaj bhi roTi ke chaar haRf liye sawaal ye hai kitaaboN ne kya diya muJhko safed sang kee chaadar lapeT kar muJhpar faseene shehar se kisi ne saja diya muJhko maiN ek zarra bulandi ko choone nikla thaa hawa ne tham ke zameeN par gira diya muJhko 13. mili hawaoN meiN uDne ki wo saza yaaro ke maiN zameen ke risHton se kat gaya yaaro woh be-khayal musafir maiN raasta yaaro kahan tha bas mein mere usko rokna yaaro mere kalam pe zamane kee gard aisee thee ke apne baare mein kuch bhi na likh saka yaaro tamaam sheher hi jiskee talaash mein gum tha maiN uske ghar ka pata kis'se poochta yaaro 14. tere jalwe ab muJhe harsoo nazar aane lage kaash yeh bhi ho ke muJh meiN tu nazar aane lage ibteda yeh thee ke dekhee thee khushi ki ek Jhalak inteha yeh hai ke gham harsoo nazar aane lage beqarari baDhte baDhte dil ki fitrat ban gayee shayed ab taskeen ka pehloo nazar aane lage khatM karde ae "Saba" ab shaam-e-gham ki daastaN dekh un aankhoN meiN bhee ansoo nazar aane lage Lyrics : Qateel Shifai (1) Danish Aligarhi (2) Shahid Kabir (3) Ahmed Nadeem Qasmi (4) Sahir Bhopali (5) Nida Fazli (6 and 11) Ahmed Faraz (7) Muzaffar Warsi (8) Zafar Gorakhpuri (9) Akhtar (10) Nazeer Baqri (12) Wasim Barelvi (13) Saba Afghani (14) Music : Jagjit Singh Voices : Jagjit Singh (2,3,4,6,9,10,11 and 13) Lata Mangeshkar (1,3,5,6,7,8,10,12 and 14) Top
  Kahkashan Volume I 1. hum_dum yahin hai, rehguzre yaar khushkhiraN guzre haiN laakh baar isi kahkashaan se hum 2. tuJhse ruksat ki wo shaam-e-ashq afsaaN hai-hai wo udaasi wo fizaayeN giriya-saame haai-haai yaaN kafe ka chuum lene ki bhi jee se aarzoo waaN bagal giri ka sharmaaya sa armaaN haai-haai wo mere hoTon pe kuch kehne ki hasrat waaye shaam wo teri aankhoN meiN sun-ne ka armaaN haaye-haaye 3. toDkar ahde karam naashnaa ho jaaieye banda parwar jaaiye , achha khafa ho jaaiye raah meiN miliye kabhi mujhse to azraahe sitam hoNt apne kaat kar fauran juda ho jaaiye jee meiN aata hai ke us shokhe tagaful kesh se ab na miliye fir kabhi aur bewafa ho jaaiye hai ri be-ikhtiyari ye to sab kuch ho magar us sarapa naaz se kyoonkar khafa ho jaaiye 4. chupke chupke raat din aaNsooN bahana yaad hai humko ab tak aashiqi ka wo zamaana yaad hai tuJh se kuch hi milte hi wo be-baak ho jaana mera aur tera daanton meiN wo ungli dabaana yaad hai kheench lena wo mera parde ka kona daf-fatan aur dupatte se tera wo muh chupaana yaad hai do paher ke dhoop meiN, mere bulaane ke liye wo tera kothe pe nange paaOn aana yaad hai 5. nazar wo hai ke jo kauno makan ke paar ho jaaye magar jab ruh-e-taabaN par pade bekaar ho jaaye nazar us huSn par thahre to aakhir kis tarah thahre kabhi jo phool ban jaaye kabhi rukhsaar ho jaaye chala jaata hoon hansta kehlta mauj-e-hawadish se agar aasaaniyan ho zindagi dushwaar ho jaaye 6. hum_dum yahin hai, rehguzre yaar khushkhiraN guzre haiN laakh baar isi kahkashaan se hum 7. ab to uTh sakta nahiN aankhoN se maare intezaar kis tarah kaaTe koi lay-lo-nahaare intezaar unki ulfat ka yakeeN ho unke aane ki ummeed honge dono suraten tab haiN bahar-e-intezaar meri aaHen na-rasam meri duaayen na-qubool ya-ilaahi kya karooN maiN sharm sa re intezaar unke khat ki aarzoo hai unke aamad ka khayaal kis kadar faila hua kaarwaaN re intezaar 8. shaayar-e-fitrat hoon, jab fikr farmaata hooN maiN rooh bankar zarre zarre mein shama jaata hooN maiN aake tuJh bin is tarah ae' dosth ghabraata hoon main jai har shay meiN kisi shay ki kami paata hooN maiN teri mehfil tere jalwe fir takaza kya suroor le uTha jaata hooN zaalim le chala jaata hooN maiN haay-ri mazbooriyaN karke mohabbat ke liye muJhko samJhaate hain wo aur unko samJhaate hoon maiN ek dil hai aur toofaan-e-hawadis-e-zigar ek sheesha hai ke har patthar se takraata hoon maiN 9. roshan jamal-e-yaar se hai anjuman tamaam dahka hua hai aatish-e-gul se chaman tamaam allah re jism-e-yaar ki khoobi ke khud-ba-khud ranginiyoN meiN doob gaya pairaahan tamaam dekho to chasm-e-yaar ki jaadoo nighaayeN behosh ik nazar meiN huyee anjuman tamaam 10. bol ik_taare jhaN jhaN jhaN jhaN kahkashaan hai meri sumran shaam ki surkhi mera kundan noor ka taDka meri chilman toD chuka hooN saare bandhan poorab pachham uttar dakkhhan bol ik_taare jhaN jhaN jhaN jhaN mere tan meiN gulshan sabke mere man meiN joban sabke mere ghaT meiN saachan sabke meri surat darshan sabke sabki surat mera darshan bol ik_taare jhaN jhaN jhaN jhaN sabki jholi meri jholi sabki Toli meri Toli sabki holi meri holi sabki boli meri boli sabka jeewan mera jeewan bol ik_taare jhaN jhaN jhaN jhaN sabke kaajal mere paare sabki aankhen mere taare sabki saanse meri dhaare saare insaan mere pyaare saari dharti mera aangan bol ik_taare jhaN jhaN jhaN jhaN 11. bangal ki maiN shaam-o-shahar dekh raha hooN har chand ke hooN door magar dekh raha hoon iflaas ki maari hui makhlookh sare raah be-goro kafan khaak basar dekh raha hoon insaan ke hote huye insaan ka ye hashR dekha nahiN jaata hai magar dekh raha hooN rehmat ka chamakNe ko hai fir nayare taabaN hone ko hai is shab ki sahar dekh raha hooN 12. hum_dum yahin hai, rehguzre yaar khushkhiraN guzre haiN laakh baar isi kahkashaan se hum 13. kis ko aati hai masihaayee kise aawaaz dooN bol ae' khooNkhaar tanhaayee kise aawaaz dooN chup rahooN to har nafaS Dasta hai naaGaN ki taraH aaH bharNe meiN hai ruswaayee kise awaaz dooN oof khamoshi ki ye aaheN dil ko barmaati huyee oof ye sannaaTe ki shehnaayee kise awaaz dooN 14. agar na zohro-jabeenoN ke darmayaN guZre to fir ye kaise kaTe zindagi kahaN guzre muJhe ye waheM raha muddataoN ke zurrate saur kahiN na khaatir-e-maasooM par gaRaaN guzre khata muaaf zamaane se badguma hokar teri wafa pe bhi kya kya hame' guma guzre muJhe tha shiKwa-e-hiJraaN ke ye hua mehSooS mere kareeb se hokar wo naagahaaN guzre 15. kya hinD ka zinda kaaNp raaha hai kya goonz rahi hai taqbeereN uktaaye haiN shaayad kuch qaidi aur toD raheN haiN zanzeereN deewaaroN ke neeche aa-aakar yuN jama huye hain zindaaNi seenoN mein tala oon biJli ka aakhoN meiN jhalakti shamsheereN kya Unko khabar thee hoThoN par jo Mohre lagaaya karte the ik roZ isi khaamoshi se Tapkegi dhahakTi takreereN samBholke wo zinda gooNz utha JhapTo ke wo qaidi chooT gaye uTTho ke wo baithi deewaaReN DauDo ke wo TooTi zanzeereN 16. tabiyat in diNoN begaana-e-gham hoti jaati hai mere hisse ki goya har khushi kam hoti jaati hai qayamat kya ye aib husn-e-do-aalam hoti jaati hai ke meHfil to wahi hai dilkashi kam hoti jaati hai wahi hai shaahid aur saaqi magar dil buJhta jaata hai wahi hai shamma lekin roshni kam hoti jaati hai wahi hai zindagi lekin zigar ye haal hai apnaa ke jaise zindagi se zindagi kam hoti jaati hai 17. hum_dum yahin hai, rehguzre yaar khushkhiraN guzre haiN laakh baar isi kahkashaan se hum 18. muddat mein wo fir taaza mulaakaat ka aalam khaamosh adaaON meiN wo jazbaat ka aalam alaaH re wo siddhat-e-jazbaat ka aalam kuch keh ke wo bhooli huyee har baat ka aalam aariz se Dhalakte huye shabnam ke wo qatre aakhoN se Jhalakta hua barsaat ka aalam wo nazroN hi nazroN meiN sawalaat ki duniya wo aakhoN hi aakhoN meiN jawaabaat ka aalam 19. khayal-e-Ghair ko dil se nikaalO ya_rasool_allaaH sirhad ko apna deewaana bana do ya_rasool_allaaH tajalli toor par jis noor ki moosaame dekhee thee hame bhi ik jhalak uski dikha do ya_rasool_allaaH hussain ib ne ali ke saBr ne jiske maJe looTe hame bhi us bala ka hauslaa do ya_rasool_allaaH 20. ae' watan mere watan rooh-e-rawaani-ehra ae' ke zarroo mein tere boo-e-chanman-rang-e-bahaar rez-e-alwaas ke tere khaso-khaashaaq meiN hai haDDiyaaN apne buzuRgoN ki teri khaak meiN hai tuJhse mooh moDke mooh apna dikhaayenge kahan ghar jo choDenge to fir chaaw nichaayenge kahan bazm-e-agiyaar meiN aaraam ye paayenge kahan tuJhse hum ruThke jaayenge to jaayenge kahan 21. ae' malihaabaad ke rangeeN gulistaaN alwida alwida-e-sar-zameen-e-subahe_khanda alwida alwida-e-kishwareesh-e-ro_shabistaaN alwida alwida-e-jalwa-gaahe husn-e-jaana alwida tere ghar se ek zinda laash uTTh jaane ko hai aa gale milne ke aawaaz-e-jaras aane ko hai haaye kya kya neebate muJko mili thee bebahaar ye khamoshi ye khule maidaan ye dhanDi hawaa waye-e-jaam-aksh bustha haaye ye rangeen fazaN mar ke bhi inko na bhoolega dil-e-dar aashnaa masth koyal jab dagan ki waadiyoN meiN gaayegi ye subuk chaaOn babulON ki bahut yaad aayegi kal se kaun is baag ko rangeeN banaane aayega kaun phoolon ki haseeN par muskuraane aayega kaun is sabze ko sote se jagaane aayega kaun in paudho ko seene se lagaane aayega kaun jaagega kamar ke naazukaane ke liye chaandni raatoN ko zaanoN par sulaane ke liye aam ke baagoN meIn jab barsaat hogi kurkharosh meri furkat meiN lahoo royegi chasm-e-maiN farosh ras ki boonde jab uda degi gulistaan rooh ke hosh unje rangeene pukaareingi hawaye josh josh sun ke mera naam mausam gham zara ho jayega ek mehshar sa gulistaan meiN wafa ho jaayega aa gale mil le khuda-haafiz gulistaan-e-watan ae' amaani ganJ ke maidaan ae' jaan-e-watan alwida ae' laala_zaarO soombulistaan-e-watan as-salam-e-sohbat-e-rangeen-yaaraaN-e-watan hashR tak rahne na dena tum dagan ki khaak meiN daFn karna apne shaayar ko watan ki khaak meiN 22. hum_dum yahin hai, rehguzre yaar khushkhiraN guzre haiN laakh baar isi kahkashaan se hum Volume II 23. shaher ki raat aur maiN naashad-o-naakara firooN jagmagati jaagti saDkoN pe awwara firoooN ghair ki basthi hai kab tak dar badar mara firooN ae gham-e-dil kya karooN ae wahshat-e-dil kya karooN ye rupahli chaoN meiN aakashh par taaroN ka jaal jaisi sufi ka tasawwur jaise aashiq ka khayaal aah lekin kaun samJhe kaun jaane jee ka haal ae gham-e-dil kya karooN ae wahshat-e-dil kya karooN raat hans hans kar ye kehti hai ke maikhaane meiN chal fir kisi shehnaz-e-lala-rukh ke kaashaane meiN chal ye nahin mumkin to fir ae dosth veeraane meiN chal ae gham-e-dil kya karooN ae wahshat-e-dil kya karooN jee meiN aata hai ye murda chaand taare noch looN is kinaare noch looN aur us kinaare noch looN ek do ka zikR kya saare ke saare noch looN ae gham-e-dil kya karooN ae wahshat-e-dil kya karooN raaste meiN ruk ke dum le looN meri aadat nahiN laut kar waapas chala jaaooN meri fitrat nahiN aur koi humnawa mil jaaye ye kimat nahiN ae gham-e-dil kya karooN ae wahshat-e-dil kya karooN 24. hijaab-e-fitna parwar ab uTha leti to achha thaa khud apne husN ko parda bana leti to achha thaa teri neechi nazar khud teri ismat ki muhafiz hai tu is nashtar ki tezi aazma leti to achha thaa tere maathe ka tika mard kee kismat ka taara hai agar tu saaz ye bedari uTha leti to achha thaa teri maathe pe ye aaNchal bahut hi khoob hai lekin tu is aaNchal se ik barcham bana leti to achha thaa 25. taskeen-e-dil-e-mehzoom na hui wo sayye karam farma bhi gaye is sayye karam ko kya kahiye behla bhi gaye taDpa bhi gaye hum marz-e-wafa bhi kar na sake, kuch keh na sake, kuch sun na sake yaaN humne jaba hi kholi thee waaN aaNkh jhuki sharma bhi gaye is mehfil-e-kaif-o-masthi meiN, is anjuman-e-irfaani meiN sab jaam bakaF baithe hi rahe hum pee bhi gaye chalka bhi gaye 26. dekhna jazb-e-mohabbat ka asar aaj ki raat mere shaane pe hai us shokh ka sar aaj ki raat nur hee nur hai kis simT uThaooN aankhe husN hee husN hai taahat-e-nazar aaj ki raat nagma-o-mai ka ye toofan-e-tarab kya kehna mera ghar ban gaya khayyam ka ghar aaj ki raat nargis-e-naaz meiN wo neeNd ka halka sa khumaaR wo mere naghma-e-sheri ka asar aaj ki raat 27. ab mere paas tum aayee ho to kya aayee ho maine maana ke tum ik paikar-e-raanaee ho chaman-e-daher meiN rooh-e-chamanarayee ho tallat-e-meher ho firdaus ki barnai ho bint-e-mehtaab ho gardoo se utar aayee ho muJhse milne meiN abandesha-e-ruswaayee hai maine khud apne kiye ki ye saza paayee hai ab mere paas tum aayee ho to kya aayee ho un dino muJpe qayamat ka junooN taari thaa sar pe sarshaari-o-ishrat ka junooN taari thaa maahpaaroN se mohabbat ka junooN taari thaa shehri yaaroN se raqabat ka junooN taari thaa bistar-e-makhmal-o-sanjaab thee duniya meri ek rangeen-o-haseeN khwaab thee duniya meri kya sunogi meri majrooh jawaani ki pukaar meri fariyaad-e-jigar doz mera lala-e-zaar shiddhat-e-kard meiN doobi huyee meri guftaar main ke khud apne mazak-e-tarabgee ka shikaar wo gudaaz-e-dil-e-marhoom kahan se laaooN ab meiN wo zazba-e-masoom kahan se laaooN ab mere pass tum aayee ho to kya aayee ho 28. jaane wale sipaahi se poochO wo kahan jaa raha hai kaun dukhiya hai jo gaa rahi hai bhookhe bachhoN ko behla rahi hai laash jalne ki boo aa rahi hai zindagi hai ke chilla rahi hai kitne sehme huye haiN nazaare kaisa dar-dar ke chalte hain taare kya jawaani ka khooN ho raha hai surkH haiN aanchaloN ke kinaare gir raha hai siyaahi ka dera ho raha hai meri jaaN sawera O watan choD kar jaane waale khul gaya inqalabee farera 29. sham-e-gham kuch us nigah-e-naaz ki baateN karo bekhudi badhTi chali hai raaz ki baateN karo ye sukut-e-naaz ye dil ki ragoN ka TooTna khamoshi meiN kuch shikast-e-saaz ki baateN karo kuch kafas ki tiliYoN se chhan raha hai noor saa kuch faza kuch hasrateN parwaaz ki baateN karo nakhateN zulfeN pareshaan daastaaN-e-shaam-e-gham suboH hone tak isi andaaz ki baateN karo 30. ye jo kaul-o-karaara hai kya hai shak hai ya aitbaar hai kya hai ye jo utTha hai dil meiN reh reh kar abR hai yaa guBaar hai kya hai zer-e-lab ik jhalak tabassum ki barq hai ya sharaar hai kya hai koi dil ka makaam samjhaaO ghar hai ya rehguzaar hai kya hai na khula ye ke saamna tera deed hai, intezaar hai kya hai 31. kisi ka yooN to hua kaun umR bhar fir bhi ye husN-o-ishq to dhokha hai sab magar fir bhi hazaar baar zamaana idhar se guzra hai nayee nayee si hai kuch teri reh-guzar fir bhi teri nigaaH se bachNe meiN umR guzri hai utar gaya rag-e-zaam meiN ye neshtar fir bhi 32. ghazal ka saaz utthaO baDi udaas hai raat nawa-e-vee sunao baDi udaas hai raat kahe na tumse to fir aur kisse jaake kaheN siyaah-julf ke saayO baDi udaas hai raat suna hai pehle bhi aise meiN buJH gaye haiN charaag diloN kee khair manaaO baDi udaas hai raat diye rahO tum yuhiN kuch der aur haath meiN haath abhi na paas se jaaO baDi udaas hai raat 33. ab aksar chup chup se rahe haiN yun hi kabu lab khole haiN pehle firaq dekha hota ab to bahut kam boleN haiN din meiN humko dekhne waaloN apne apne haiN aukaad jaaO na tum in khusK aankhoN ko hum raatoN ko role haiN gam ka fasana sunne-waalo aakhir ye shab aaraam karo kal bhi kahani fir cheDenge hum bhi zara ab sole haiN 34. raat bhar deed-e-namnaar meiN lehraate rahe saaNs ki tarha se aap aate rahe jaate rahe khus the hum apne tamaannao ka khwaab aayega apna armaan baraf ganda naqaab aayega aa gayee thee dil-e-muztar meiN shikee-baaye se baz rahee thi mere gham khaane meiN shehnaayee si shab ki jaagi hui taaro ko bhi neend aane lagi aap ke aane ki ik aas thi ab jaane lagi suboh ne sej se uThTe huye li angDaee os saba too bhee jo aayee to akeli aayee 35. ek chameli ke manDwe tale maikade se zara door us moD par do badan do badan do badan pyaar ki aag meiN jal gaye pyar harf-e-wafa pyaar unka khuda pyaar unkee chita do badan do badan do badan pyaar ki aag meiN jal gaye humne dekha unheN din meiN aur raat meiN noor-o-zulmaat meiN do badan, do badan do badan pyaar ki aag meiN jal gaye masjiDoN ke munaaroN ne dekha unhe mandiroN ke kiwaDoN ne dekha unhe maikade kee daDaaDoN ne dekha unhe do badan do badan do badan pyaar ki aag meiN jal gaye azazalta abad ye bata chaaragar teri zambir meiN nuskha yeki miaaye mohabbat bhi hai kuch ilaaz-o-mudaawa-e-ulfat bhi hai do badan do badan do badan pyaar ki aag meiN jal gaye 36. ishq ke shole ko bhaDkaaO ke kuch raat kaTe dil ke angaar ko dehkaaO ke kuch raat kaTe hiJr meiN milne shab-e-maah ke gham aaye haiN chaarasaajO ko bhi bulwaaO ke kuch raat kaTe chasm-o-rukhsaar ke azgaar ko jaari rakkhO pyaar ke naghme ko dohraaO ke kuch raat kaTe kohe gham aur gaRaaN aur gaRaaN aur gaRaaN ghamza-do-tesh ko chamkaaO ke kuch raat kaTe 37. alwidaa (same as 21) Lyrics : Josh Malihabadi (2,10,13,15,20,21) Hasrat Mohani (3,4,7,9,19) Asghar Gondvi (5) Jigar Moradabadi (8,11,14,16,18) Majaz (27) Makhdoom (28,36) Firaq Gorakhpuri (33) Music : Jagjit Singh Voices : Jagjit Singh (rest of it) Chitra Singh (7) Vinod Sehgal (8,11,14,16) Ram Kumar (19) Kumar Sanu (28) Asha Bhonsle (34) with Jagjit Top
  Visions Volume I 1. Jhoom ke jab rindO ne pilaa dee sheikh ne chupke chupke dua dee ek kamee thee taj mahal meiN humne teri tasveer laga dee aapne jhooTa waada karke aaj hamaRi umr baDha dee teri galee meiN sazde karke humne ibaadat-gaah bana dee 2. nazar nazar se milakaR sharaab peete haiN hum unko paas biThakar sharaab peete haiN isi liye to andhera hai maikade meiN bahut yahan gharoN ko jalaakar sharaab peete haiN hume tumhare siwa kuch nazar nahiN aata tumhe nazar meiN sazakar sharaab peete haiN unHi ke his'se meiN aati hai pyaas hi aksar jo doosroN ko pilaakar sharaab peete haiN 3. ye peene waale bahut hi ajeeb hote haiN jahaN se door ye khud ke kareeb hote haiN kisi ko pyaar mile aur kisi ko ruswaayee mohabbatoN ke safar bhi ajeeb hote haiN mila kisi ko hai kya sochiye ameeree se diloN ke shaah to aksar gareeb hote haiN yahaN ke logoN ki hai khaasiyat ye sabse baDi habeeb lagte hain lekiN raqeeb hote haiN 4. kisne bheege huye baaloN se ye jHaTka paani jhooM ke aayi ghaTa TooT ke barsa paani koi matwaali ghaTa peeke jawaani ki umang jee baha le gaya barsaat ka pehla paani TikTiki baandhe wo firte haiN maiN is fidR meiN hooN kahiN khaane lage chakkar na ye gehra paani baat karne mein wo un aankhoN se amrit tapka aarzoo dekhte hee mooh meiN bhar aaya paani 5. kabhi kabhi yun bhi humne apne jee ko behlaaya hai jin baatoN ko khud nahiN samjhe auroN ko samjhaaya hai humse poochO izzatwaaloN kee izzat ka haal yahaN humne bhi is shehar meiN rehkar thoDa naam kamaya hai us'se bichchDe barsoN beete lekin aaj na jaane kyoon aangan meiN haste bachchoN ko bekaaroN dhamkaaya hai koi mila tho haath milaaya kahiN gaye to baate kee ghar se baahar jab bhi nikle din bhar boJh uThaya hai 6. tere nisaar saqiya jitni piyoo pilaaye jaa mast nazar ka waasta mast muJhe banaaye jaa tuJhko kisi se marz kya bijli kahiN giraaye jaa dil jale ya zigar jale tu yun hi mushkuraaye jaa saamne mere aa ke dekh rookh se naqaab haTa ke dekh khilman-e-dil hai muntazir barKe nazar giraaye jaa wafa-e-badnaseeb ko baksha hai tune dard jo hai koi iski bhi dawa itna zara bataaye jaa 7. na keh saaqi bahaar aane ke din haiN zigar ke daaG chil jaane ke din haiN ada see khooB adaa aane ke din haiN abHi to door sharmaane ke din haiN garebaaN DhoonDte hain haath mere chaman meiN phool khil jaane ke din haiN tumhe raaz-e-mohabbat kya bataayeN tumhare khelne khaane ke din haiN ghaTaayeN oondi oondi keh rahi hai maye angoor khichwaane ke din haiN 8. dard-e-dil meiN kamee na ho jaaye dosthi dushmani na ho jaaye tum meri dosthi ka dam na bharo aasmaaN muddayee na ho jaaye baiThata hoon hamesha rindoN meiN kahiN zaahid wali na ho jaaye apne khooye wafa se Darta hoon aashiqi bandagi na ho jaaye Volume II 9. kaun aaya raaste aa'ina khaana ho gaye raat roshan ho gayee din bhi suhaane ho gaye ye bhi mumkin hai ke us'ne muJhko pehchaana na ho ab us'e dekhe huye kitne jamaane ho gaye jaao un kamroN ke aa'ine uthakar phenK do wae agar ye keh raheN ho hum puraane ho gaye meri palkoN par ye aaNsoo pyaar ki tauheen hai unki aaNkhoN se gire moti ke daane ho gaye 10. aap aaye janaab barsoN meiN humne pee hai sharaaB barsoN meiN phir se dil kee kali khilee apni phir se dekha sabaaB barsoN meiN tum kahaN the' kahaN rahe saahiB aaj hoga hisaaB barsoN meiN pehle naadaaN the' ab huye daaNa unko aaya adaaB barsoN meiN isi um'meed pe' maiN zinda hooN kya wo denge jawaaB barsoN meiN 11. aapko dekhkar dekhta reh gaya kya kahooN aur kehne ko kya reh gaya unkee aaNkhoN meiN kaise chalakne laga mere hoNThoN pe jo maajra reh gaya aise bichDe sabhi raah ke moD par aakhri hum-safar raasta reh gaya soch kar aaO kuye tamanna hai ye jaaneman jo yahaN reh gaya reh gaya 12. koi dosth hai na raqeeb hai tera sehar kitnaa ajeeb hai wo jo ishq thaa wo junoon thaa ye jo hiZr hai ye naseeb hai yahaN kiska chehra paDha karooN yahaN kaun itnaa kareeb hai maiN kise kahooN mere saath chal yahan sab ke sar pe saleeb hai 13. fir se mausam baharoN ka aane ko hai fir se rangiN zamana badal jaayega abki bazme charaagoN saja lenge hum ye bhi armaan dil ka nikal jaayega aap karde jo muJhko nigaahe karam meri ulfat ka reh jaayega kuch bharam yuN fasana to mera rahega yahi sirF unwaan uska badal jaayega fiki fiki see kyoon shaam-e-maikhanaa hai lutf saaqi bhi kam khaali paimaana hai apnee nazroN se hee kuch pila de jiye rang mehfil ka khud hee badal jaayega mere miTne ka unkO zara gam nahiN julF bhi unki ae dosth war ham nahiN apne hone na hone se hotha hai kya kaam duniya ka yun hee to chal jaayega aapne dil jo 'zaahid' ka toDa to kya aapne uski duniya ko choDa to kya aap itne to aakHir pareshaaN na hoN wo sambhalte sambhalte sambhal jaayega 14. kuchh na kuchh to zaroor hona hai saamna aaj unsay hona hai todo fainko rakho karo kuch bhi dil hamara hai kya khilona hai zindagi aur maut ka matlab tumko paana hai tumko khona hai ttna darna bhi kya hai duniya say jo bhi hona hai woh to hona hai uth kay mehfil say mat chalay jaana tumsay roshan yeh kona kona hai 15. sar jhUkaaoge to patthar dewta ho jaayega itna math chaaho use' wo bewafa ho jaayega hum bhi dariya haiN hameN apnaa hunar maaloom hai jis taraF bhi chal paDenge raasta ho jaayega maiN khuda ka naam lekar pee raha hoon dostoN zehar bhi isme agar hoga dawa ho jaayega ruTh jaana to mohabbat ki alamat hai magar kya khabar thee muJhse wo itna khafa ho jaayega 16. har gosha gulistaN tha kal raat jahaN maiN tha ek jasn-e-baharaN tha kal raat jahaN maiN tha nagmeN the' hawaoN meiN jaadoo tha fizaaoN meiN har saaNs ghazalfaaN tha kal raat jahan maiN tha dariya-e-mohabbat meiN kasthi thee jawaani kee jazbaat ka toofaaN tha kal raat jahan maiN tha mahtaab tha baahoN meiN jalwe the nigaahoN meiN har sint charaagaN tha kal raat jahan maiN tha Lyrics : Kaif bhupali (1) Tasneem faaruqi (2) Rakesh (3) Aarzoo Lakhnawi (4) Nida Fazli (5) Rustam sehgal wafa (6,10) Bekhud Dehlvi (7, 8) Bashir Badr (9,15) Aziz Qaisi (11) Rana sahri (12) Zahid (13) Wazida Tabassum (14) Khalid kuwaiti (16) Music : Jagjit Singh Voices : Jagjit Singh Top
  In Search 1. apne hoThoN par sajaana chaahta hooN aa tuJhe maiN gun-gunaana chaahta hooN koi aaNsoo tere daaman par girakar boond ko moti banaana chaahta hooN thak gaya maiN karte-karte yaad tuJhko ab tuJhe maiN yaad aana chaahta hooN chaa raha hai saari basti meiN andhera roshni ko ghar jalaana chaahta hooN aakhri hichki tere zaanO pe aaye maut ko bhi shaayarana chaahta hooN 2. dosti jab kisi se kee jaaye dushmano ki bhi raaye lee jaaye maut ka zahar hai fizaoN meiN ab kahan ja kay saans lee jaaye bas isee soNch meiN hooN dooba hua ye nadi kaise paar kee jaaye mere maazi ke zakhm bharne lage aaj phir koi bhool kee jaaye botlayeN khol ke to pee barsoN aaj dil khol ke bhee pee jaaye 3. kahiN aisa naa ho daaman jala lo hamaare aaNsooN par khaaK daalo manaana hee zaroori hai to fir tum hume sabse khafa hokar mana lo bahut royee huyee lafti haiN aaNkheN meri khaatir zara kaajal laga lo akelepan se khauF aata hai muJhko kahan jo ae mere khwab-o-khayaaloN bahut masoom baitha hooN maiN tumse kabhi aakar muJhe haiRat meiN daalO 4. yaa to miT jaa'iye ya miTa dijiye kijiye jo bhi sauda khaRa kijiye ab jafa kijiye ya wafa kijiye aakhri waqt hai bas dua kijiye apnee chehre se zulfeN haTa dijiye aur phir chaand ka saamna kijiye har taraf phool hi phool khil jaayenge aap aise hee haNste raha kijiye aapkee ye haNsi jaise ghoongru baje aur qayamat hai kya ye bata dijiye 5. kaise kaise haadse sehte rahe hum yuNhi jeete rahe haNste rahe uske aa jaane kee um'meedeN liye raasta muD muD ke hum takte rahe waqt to gujra magar kuch is tarah hum charaagoN kee tarah jalte rahe kitne chehre the humaare aas-paas tum hi tum dil meiN magar baste rahe 6. khaamoshi khud apni sada ho aisa bhi ho sakta hai sannaTa hee goonJ raha ho aisa bhi ho sakta hai mera maaJi muJh se bichaD kar kya jaane kis haal meiN hai meri taraH wo bhi tanha ho aisa bhi ho sakta hai sehra sehra kab tak maiN DhoonDooN ulfat ka ek aalam aalam aalam ik sehraa ho aisa bhi ho sakta hai aehle tooFaaN soNch rahe haiN saahil dooba jaata hai khud unka dil dooB raha ho aisa bhi ho sakta hai 7. bebasi Jurm hai hauslaa jurm hai zindagi teri ek-ek adaa Jurm hai ae sanam tere baare meiN kuch soNchkar apne baare meiN kuch sochna Jurm hai yaad rakhna tuJhe mera ek Jurm thaa bhool jaana tuJhe doosra Jurm hai kya sitam hai ke tere haseeN sehar meiN har taraf gaur se dekhnaa Jurm hai 8. jab kisi se koi gila rakhnaa saamne apne aai'ina rakhna YuN ujaaloN se waasta rakhnaa shamma ke paas hi hawa rakhnaa ghar ki taameer chaahe jaisi ho ismeN rone ki jageH rakhnaa masJideN haiN namaaziYoN ke liye apne ghar meiN kahiN khuda rakhnaa milan-julna jahaN zaroori ho milne-julne ki hauslaa rakhnaa Lyrics : Qateel Shifai (1) Rahat Indoree (2) Liqayat Ali Azim (3) Wajida Tabassum ( 4 & 5) Zaka Siddiqi (6) Ayaz Jhansvi (7) Nida Fazli (8) Music : Jagjit Singh Voices : Jagjit Singh Top
  Rare Gems Their Earliest Recordings Doston, zehan ke kisi kone se jhaank rahee haiN kuch aisee ghazaleN jo aap hi nahiN, maiN bhee bhool chuka hooN. Ho sakta hain app meiN se kuch logon ne inhe suna bhi na ho, kyoon ki ye HMV ka wo khazana hai jo aaj se pachhees saal pehle alag alag LPs par release hua tha aur ab cassette or CD ki shaKl meiN aap tak pahuNch raha hai. Aaeeye unhi bhoolee bisri yaadoN ko awaaz deN aur sune' un ghazaloN ki gungunati aahaT. -Jagjit 1. apna gham bhool gaye, teri jafa bhool gaye hum to har baat mohabbat ke siwa bhool gaye hum akele hi nahiN pyaar ke diwaane sanam aap bhi nazreN jhookaaneN ki adaa bhool gaye ab to socha hai ke daaman hi tera thaamenge haath jab humne uthaaye hain dua bhool gaye shuKr samjho ya ise apnee shikaayat samJho tumne wo dard diya hai ke dawa bhool gaye 2. aaNkh ko jaam samaJh baitha tha anJaane meiN saaqiya hosh kahaN tha tere diwaane meiN jaane kis baat ki unko hai shikaayat muJhse naam tak jinka nahiN hai mere afsaaNe meiN dil ke tukDoN se teri yaad ki khushboo na gayee hue maiN baaqi hai TooTe huye paimaanoN meiN dil-e-barbad meiN umeed ka aalaM kya hai TimTimathi huyee ik shamma hai veeraaNe meiN 3. ye kiska tassavvur hai, ye kiska fasaana hai jo ashK hain aansooN mein takbeeh ka daana hai aankhoN meiN nameeN si hai chup-chup se wo baithe haiN nazook si nighahON mein naazook sa fasaana hai ye ishK naheeN aasaaN itna to samaJh leeje ik aag ka dariyaa hai aur doob ke jaaNa hai ya wo the' khaFa humse, ya hum haiN khaFa unse kal unka zamaanaa tha, aj apna zamaana hai 4. muJhe de rahe haiN tasalliyaaN wo har ek tazaa payaam se kabhi aake manzir-e-aam par kabhi haT ke manzir-e-aam se na garaZ kisi se na waastha muJhe kaam apne hi kaam se tere zikR se, teri fikR se, teri yaad se, tere naam se mere saaqiya mere saaqiya tuJhe marhawa tuJhe marhawa tu pilaaye jaa tu pilaaye jaa isi chashm-e-jaam-wa-jaam se teri suboh aish hai kya bala tuJhe ae falaK jo ho hausla kabhi kar le aa ke mukaabala gham-e-hiJr-e-yaar ki shaam se 5. wo jo hum meiN tumme qaraar tha tumHe yaad ho ke na yaad ho wo hi aani waala nebaahta tumHe yaad ho ke na yaad ho wo naye gile wo shiKaayate wo maze-maze ki hikaayateN wo har ek baat pe roothna tumHe yaad ho ke na yaad ho koi baat aisi agar huyee jo tumhaare jee ko buree lagi to bayaaN se pehle hi bhoolna tumHe yaad ho ke na yaad ho jise aap ginte the aashnaa jise aap kehte the baawafaa main wohi hooN 'momin'-e-mubtila tumHe yaad ho ke na yaad ho 6. bus ke dushwaar hai har kaam ka aasaaN hona aadmee ko bhee muyassar naheeN insaaN hona kee mere qatl ke baad usne jafa se tauba haay us zood_pashemaaN ka pashemaaN hona haif us chaar girah kapDe ki qismat 'GHalib' jis ki qismat meiN ho aashiq ka girebaaN hona 7. ab to ghabraake ye kehte haiN ke mar jaayenge mar ke bhee chaiN naa paaya to kidhar jaayenge laaye jo masth haiN turbat pe gulaabi aankheN aur agar kuch nahiN do phool to dhar jaayenge hum nahiN wo jo kareN khoon ka daawa tuJhse bal ke poochega khuda bhee to muKar jaayenge 8. kab se hooN kya bataaooN jahaan mein kharaab meiN jab haaye hizr ko bhi rakhoo gar hisaab meiN taaqir na intezaar meiN neeNd aaye umr bhar aaNe ka 'ehed kar gaYe aaYe jo khwaaB meiN qaasid ke aate aate khat ik aur likh rakhooN main jaanta hooN jo wo liKhenge jawaab meiN 9. dil ko kya ho gaya khuda jaane kyoon hai aisa udaas kya jaane keh diya maiNe haal-e-dil apnaa isko tum jaano ya khuda jaane jaante-jaante hi jaanega muJhme kya hai abhi wo kya jaane tum na paaOge sada-dil muJhsa jo tagaful ko bhi hayaa jaane 10. shaheroN shaheroN aaj hai taNhaa dil par gehra daaG liye galiyoN galiyoN ho gaye ruswaa dil par gehra daaG liye aaj gulistaaN meiN failee hai khusboo teri yaadoN kee mausam-e-gul hai hum haiN tanha dil par gehra daaG liye rote dhote jee ko jalaate manzil-e-shab tak aa pahunche chere par hai gard-e-tamanna dil par gehra daaG liye DhoonDne unko shaher-e-buta meiN aaj gaye the' hum bhi 'Adeeb' aankh meiN lekar gum ka dariyaa dil par gehra daaG liye 11. fir kuchch is dil ko beqaraaree hai seena zoya-e-zaKHm-e-kaaree hai fir jigar khodane laga naaKHun aamad-e-fasl-e-laala_qaaree hai fir usee bewafaa pe marte haiN fir wohee zindagee hamaaree hai be_KHudee be_sabab naheeN 'GHalib' kuchch to hai jiskee pardaadaaree hai 12. os pade bahaar par aag lage kanaar meiN tum jo nahiN kanaar meiN luTf hi kya bahaar meiN uspe kare khuda rahem gardish-e-rozgaar meiN apnee talaash choDkar jo hai talaasH-e-yaar meiN hum kahin jaane waale-e-ahed daaman-e-ishq choDkar zeest tere huzur meiN, maut tere dayaar meiN 13. ishq fana ka naam hai, ishq meiN zindagee na de jalwa-e-aaftaab ban, zarre meiN roshni na de shauq ko rehnuma bana jo ho chuka kabhi na de aag dabi huyee nikaal aag bujhi huyee na de tuJhko khuda ka waasta tu meri zindagee na de jiski sehar bhee shaam ho uski siyaah shabi na de 14. ajab apna haal hota jo wisaal-e-yaar hota kabhi jaan sadke hoti kabhi benisaar hota na maza hai dushmaNi meiN, no hai luTf dosthi meiN koi ghair-ghair hota koi yaar-yaar hota ye maza tha dillagi ka, ke baraabar aag lagti na tumhe qaraar hota na humeN qaraar hota tere waade par sitamgar abhi aur saBr karte agar apnee zindagee ka hume aitbaar hota 15. jab bhi aati hai teri yaad kabhi shaam ke baad aur baDh jaati hai afsoorda-dili shaam ke baad ab iraadoN pe bharosa hai na tauba pe yakeeN muJhko le jaa re kahan tashna_labi shaam ke baad yuN to har lamhaa teri yaad ka boJhal guzraa dil ko mehsooS hui teri kaMi shaam ke baad yuN to kuCh shaam se pehle bhi udaasi thee 'Adeeb' ab to kuCh aur baDhi dil ki laGi shaam ke baad 16. dhuaaN uTha thaa diwaaNe ke jalte ghar se saari raat lekiN wo khaamOsh rahe duniya ke Dar se saari raat raat yuN jalte dil par teri yaadoN ki barsaat huyee jaise ik pyaase ki chitha par barkha barse saari raat saari raat to sapNe dekhe subah ko ye mehsoos hua humNe apna sar Takraaya ik pathhar se saari raat 17. patha-patha booTa-booTa haal hamaara jaane hai jaane na jaane gul hi na jaane baag to saara jaane hai chaara gareebi maariye dil ki rasm-e-shehar-e-husn naheeN warna dilbar ae' naadaaN bhi is dard ka chaara jaane hai mehar-o-wafa-o-lutf-o-inaayat ek se waakif inmeiN nahiN aur to sab kuCh tanz-o-kinaaye ranjo ishaara jaane hai 18. uski hasrat hai jise dil se miTa bhee na sakooN dhoonDne usko chala hooN jise paa bhee na sakooN meharbaaN hoke bula lo muJhe chaaho jis waqt maiN gaya waqt naheeN hooN ke fir aa bhee na sakooN daal kar kHaak mere khooN pe qaaTil nikaah kuCh ye meHndi naheeN meri ke chupaa bhi na sakooN zauf meiN taa maye agiyaar ka shikwaa kya hai baat kuCh sar to naheeN hai ke utha bhee na sakooN zabt kambakht ne aur aake gala ghonTa hai ke use' haal sunawooN to suna bhee na sakooN zaher milta hee nahiN muJhko sitamgar warna kya kasam hai tere milne ki ke khaa bhee na sakooN uske pehlooN meiN jo le jaake sulaa dooN dil ko neeNd aisi use' aaye ke jagaa bhee na sakooN Lyrics : Faruk Kaiser (1) Shamim Shahabadi (2,16) Jigar Moradabadi (3,4,12,13) Momin (5) Ghalib (6,8,11) Zauq (7) Daag (9) Krishan Adeeb (10,15) Dagh Dehlavi (14) Meer Taqi Meer (17) Ameer Meenai (18) Music : Jagjit Singh except 1 & 2 by C.K. Chauhaan Voices : Jagjit Singh Chitra Singh Top
  Desires 1. din aa gaye sabaab ke aaNchal sambhaaliye hone lagi hai shehar meiN halchal sambhaaliye chaliye sambhal sambhal ke kaThin rah-e-ishq hai naazuk baDi hai aapKi paayal sambhaaliye saj dhaj ke aap nikle sare raah khair ho Takra na jaaye aapka paagal sambhaaliye ghar se naa jaaO door kisi ajnabi ke saath barseNge jor-jor se baadal sambhaaliye 2. ulfaT ka jab kisi ne liya naam ro paDe apni wafa ka soch ke anJaam ro paDe har shaam ye sawaal mohabbat se kya mila har shaam ye jawwab ke har shaam ro paDe raaH-e-wafa meiN humko khushi ki talaash thee do gaam hi chale the ke har gaam ro paDe roNa naseeb meiN hai to auroN se kya gila apne hi sar liya koi ilzaam ro paDe 3. gulshan ki faqat phooloN se nahiN kaaTon se bhi zeenat hoti hai jeene ke liye is duniya meiN gham ki bhi zaroorat hoti hai ae waaiz-e-naadan karta hai tu ek qayamat ka charcha yahan roz nigaHen milti haiN yahan roz qayamat hoti hai wo pursish-e-gham ko ayae HaiN kuch keh na sakooN chup reh na sakooN khaamosh rahooN to mushkil hai keh dooN to shikaayat hoti hai karna hi padega jabt-e-alam peene hi padenge ye aansoo fariyad-o-fugaaN se ae naadaaN tauheen-e-mohabbat hoti hai jo aake ruke daamal pe saba wo ashq nahiN hai paani hai jo ashq na chalke aankhoN se us ashq ki keemat hoti hai 4. shamme mazaar thee na koi sogwaar tha tum jis pe ro rahe the wo kiska mazaar thaa taDpoonga uMr bhar dil-e-marhoom ke liye kambaKht naamuraad laDakpan ka yaar thaa jaadoo hai ya tilisM tumhari jubaaN meiN tum jhooT keh rahe the muJhe aetbaar thaa kya kya hamari sazde kee ruswaaeeyaN huyeeN nakshe-kadam kisi ka sare rehguzaar thaa 5. ye kaisi mohabbat kahan ke fasaane ye peene pilaane ke sab haiN bahaane wo daaman ho unka ke sun-saan sehra bas humko to aakhir haiN aansoo bahaane ye kisne muJhe masth nazroN se dekha lage khud-ba-khud hi kadam laD-khaDaane chalo tum bhi 'gumnaam' ab maikade meiN tumhe daFn karne haiN kai gham puraane 6. kaanTon ki chubhan paayee phoolon ka maza bhi dil dard ke mausam meiN roya bhi hasa bhi aane ka sabab yaad na jaane ki khabar hai wo dil meiN raha aur use toD gaya bhi har ek se manzil ka pata pooch raha hai gumraah mere saath hua raahnuma bhi 'gumnaam' kabhi apnO se jo gam huye haasil kuch yaad rahe unme to kuch bhool gaya bhi 7. jab tera naam pyaar se likhti haiN oongliyaN meri taraf zamaane ki uThthi haiN oongliyaN daaman sanam ka haath meiN aaya tha ek pal din raat uss ek pal se mehakthi haiN oongliyaN jab se door ho gaye ho uss din se hee sanam bas din tumhare aane ke ginti haiN oongliyaN patthar taraash kar naa bana taj ek naya fankaar ke zamaane meiN kaTthi haiN oongliyaN 8. baat saaqi ki na Taali jaayegi karke tauba toD daali jaayegi dekh lena wo na khaali jaayegi aah jo dil se nikaali jaayegi gar yahi tarz-e-fugaN hai andali to bhi gulshan se nikaali jaayegi aate aate aayega unko khayaal jaate jaate bekhayali jaayegi kyoon nahiN milti gale se tegh-e-naaz id kya ab ke bhi khaali jaayegi Lyrics : Madanpal (1,7) Sudarshan Fakir (2) Saba Afghani (3) Bekhud (4) Gumnaam (5,6) Jaleel (8) Music : Jagjit Singh Voices : Jagjit Singh Chitra Singh Top
  Face to Face 1. sachchi baat kahi thee maiNe logoN ne sooli pe chaDhaya muJhko zehaR ka jaaM pilaaya phir bHi unko cha'in na aaya sachchi baat kahi thee maiNe leke jahaN bhi waqt gaya hai zulM mila hai zulm saha hai sach ka Ye Inaam mila hai sachchi baat kahi thee maiNe sab se behtaR kabhi na ban'na jag ke rehBar kabhi na ban'na peer pa'yambar kabhi na ban'na sachchi baat kahi thee maiNe chup rehkar hi waqt guzaarO sach kehne pe jaaN math waaro kuch to seekho muJh se Yaaro sachchi baat kahi thee maiNe 2. dairO haram meiN basNe waaLe mai-KhaRo meiN phooT na Daalo ThoofaaN se hum TaKraaYenge tum apNi kashthi ko samBhalO maiKhana meiN aaYe waaee'z inko bhi insaaN bana Lo aarizoN-laB saada rehne do tajMahal pe rang na daalo 3. besabab baat baDhaaNe ki zaroorat kya hai hum khaFa kab the maNaane ki zaroorat kya hai aapKe dum se to duniYa ka bhaRam hai kaaYam aap jab haiN to zamaaNe ki zaroorat kya hai tera kucha, tera dar, teri gali kaafi hai be-ThikanO ko Thikane ki zaroorat kya hai dil se miLne ki tamanna hi nahiN jab dil meiN haath se haath milaaNe ki zaroorat kya hai ranG aankhoN ke liye boo hai damaagoN ke liye phool ko haaTh lagaane ki zaroorat kya hai 4. zindagGi tune lahoo leke diYa kuch bhi nahiN tere daamaN meiN mere waaste kYa kuch bhi nahiN mere in haathoN ki chaaho to talaashi le lO mere haathoN meiN lakiroN ke siwa kuch bhi nahiN humNe dekha hai kai aise khudaOn ko yahaN saamNe jinke wo sach much ka khuda kuch bhi nahiN Yaa khuda ab ke ye kis ranG se aaYi hai bahaaR zarD hi zarD hai peDoN pe hara kuch bhi nahiN dil bhi ik zid pe aDa hai kisi bachche ki taraH ya to sab kuch hi ise chaachiYe ya kuch bhi nahiN 5. tumNe badle humSe gin-gin ke liye humNe kya chaaha tha is din ke liye waSl ka din aur itna mukhTasar din giNe jaate the is din ke liYe wo nahiN sunte hamari kYa kareN maanGte haiN hum dua jinke liYe chaahNe waalO se gar matlab nahiN aap phir paida hua kinke liYe baarabaaN kaliYan ho halqe ranG ki bheJnee hai ek kamsin ke liYe 6. pyaaR ka pehla khat liKhne meiN waqt to lagta hai naYe pariNdo ko uD'dne meiN waqt to lagta hai jiSm kee baat nahiN thi unKe dil taq jaana tha lambi doori tay kaRne meiN waqt to lagta hai gaanTh agar pad jaaye to phir rishte ho ya Dori laakh kareN koshish khulne meiN waqt to lagta hai humNe ilaaze zakhme dil to DhoonD liya lekin gehRe zakhmoN ko bharNe meiN waqt to lagta hai 7. jeete rehNe ki saza de, zindaGi ae zindaGi ab to maRne ki dua de zindaGi ae zindaGi maiN to ab uqta gaya hoon kya yahi hai qaayanaat bas Ye aa'ieena haTa de zindaGi ae zindaGi DhoonDne niklaa Tha tuJhko aur khud ko kho diYa tu hi ab mera pata de zindaGi ae zindaGi Yaa muJhe ehsaas ki ees qaid se kar de riHaa waRna deewana banaade zindaGi ae zindaGi 8. sheiKhji thoDi see peeKar aa'iye mai hai kYa shai pHir hume batlaa'iYee aap kYoon haiN saari duniya se khaFa aap bHi dusHman mere ban jaa'iye kYa hai achcha, kya buRa banda-nawaaZ aap samJheN to hume samJhaa'iYe jaaNe diJe akL ki baateN janaaB dil ki suniYe aur peete jaa'iYe Lyrics : Saabir Dutt (1) Khamosh Ghazipuri (2) Shaahid Kabir (3) Rajesh Reddy (4) Daag and Ameer Minayee (5) Hasti (6) Zaka Siddhiki (7) Sudarshan Faakir (8) Music : Jagjit Singh Voices : Jagjit Singh Top
  Cry for Cry 1. ab main ration ki kataRon mein naZar aata hooN apne khetoN se bichchaDne ki saza paata hooN itnee menhgaayee ke bazaar se kuch laata hooN apne bachchoN meiN us'se baanT ke sharmaata hooN apnee neendo ki lahoo pochne ki koshish meiN jaagte jaagte, thak jaata hooN so jaata hooN koi chaadar samaJh ke kheench na le fir se "Khaleel" maiN qafan oDh kar foot-paath pe so jaata hooN 2. aaj ke daur mein ae dost ye manjhar kyoon hai. zakhM har sar pe har ik haath meiN paththaR kyoon hai jab haqeeqat hai ke har zaRRe meiN tu rehta hai fir zamiN par kahiN masjid kahin mandir kyoon hai apna anjaam to maaloom hai sabko phir bhi apnee nazroN mein har insaan sikandar kyoon hai zindagi jeene ke qaabil hi nahiN ab "Faakir" warna har aaNkh meiN ashkoN ka samandar kyoon hai 3. maa sunao mujhe wo kahani jisMe raja na ho na ho raNi jo hamari tumhari katha ho jo sabhi ke hriday ki gatha ho gandh jisme ho apni dhara ki baat jisme na ho apsara ki ho na pariYan jahaN aasmaani wo kahani ko hasna sikha de pet ki bhookh ko bhi mita de jisme sach ki bhari chaandni ho jisme um'meed ki roshni ho jisme na ho kahani puraani 4. kabhi aansoo kabhi khushi bechi hum gariboN ne bekasi bechi chaNd saanse khareedne ke liye roz thoDi si zindagi bechi jab rulaane lage muJhe saayee maiNe uqta ke roshni bechi ek hum the ke bik gaye khud hi warna duniya ne dosthi bechi 5. apne chechre se jo zaahir hai chupaayeN kaise teri marzi ke mutaabik nazar aayeN kaise ghar sajaaNe ka tasawwur bahut baad ka hai pehle ye tay ho ke is ghar ko bachchayeN kaise kar kaha aankh ka bartaav badal deta hai hansNe waale tuJhe aaNsoo nazar aayeN kaise koi apnee hi nazar se to hume dekhega ek qatre ko samandar nazar aayeN kaise 6. mujh mein jo kuch achchha hai sab uska hai. mera jitna charcha hai sab uska hai uska mera rishta baDa puraana hai maiNe jo kuch socha hai sab uska hai meree aankheN uski noor se roshan hai maiNe jo kuch dekha hai sab uska hai maiNe jo kuch khoya tha sab uska tha maiNe jo kuch paaya hai sab uska hai jitnee baar maiN TooTa hooN wo TooTa tha idhar udhar jo bikhRa hai sab uska hai 7. wo rulakar hans na paya der taq jab maiN rokar mushkuraaya der taq bhoolna chaaha agar usko kabhi aur bhi wo yaad aaya der taq bhookhe bachchoN ki tasalli ke liye maa ne phir paani pakaya der taq gungunata jaa raha tha ik fakeer dhoop rehti hai na saaya der taq 8. lab pe aati hai dua banke tamanna meri zindagi shamma ki surat ho khuda ya meri ho mere dum se yuN hi mere watan ki zeenat jis taraH phool se hoti hai chaman ki zeenat zindagi ho meri parwaane ki surat ya rab iLm ki shamma se ho muJhko mohabbat ya rab ho mera kaam gariboN ki himaayat karNa dard mando se zaeefoN se mohabbat karNa mere allaah buraayee se bachchana muJhko nek jo raah ho uss reh pe chalaana muJhko Lyrics : Khaleel Dhalijvi Sudarshan Faakir Nandalal Pathak Abu Taalib Waseem Barelvi Kashmirilal Zakir Nawaz Deobandi Dr. Iqbal Music : Jagjit Singh Voices : Jagjit Singh Siza Roy ( 3, 8 with school children) Top
  Rishton mein daraar aayee 1. Rishton mein daraar 2. fir se mausam baharoN ka aane ko hai fir se rangiN zamana badal jaayega abki bazme charaagoN saja lenge hum ye bhi armaan dil ka nikal jaayega aap karde jo muJhko nigaahe karam meri ulfat ka reh jaayega kuch bharam yuN fasana to mera rahega yahi sirF unwaan uska badal jaayega fiki fiki see kyoon shaam-e-maikhanaa hai lutf saaqi bhi kam khaali paimaana hai apnee nazroN se hee kuch pila de jiye rang mehfil ka khud hee badal jaayega mere miTne ka unkO zara gam nahiN julF bhi unki ae dosth war ham nahiN apne hone na hone se hotha hai kya kaam duniya ka yun hee to chal jaayega aapne dil jo 'zaahid' ka toDa to kya aapne uski duniya ko choDa to kya aap itne to aakHir pareshaaN na hoN wo sambhalte sambhalte sambhal jaayega 3. kuchh na kuchh to zaroor hona hai saamna aaj unsay hona hai todo fainko rakho karo kuch bhi dil hamara hai kya khilona hai zindagi aur maut ka matlab tumko paana hai tumko khona hai ttna darna bhi kya hai duniya say jo bhi hona hai woh to hona hai uth kay mehfil say mat chalay jaana tumsay roshan yeh kona kona hai 4. kabhi kabhi yun bhi humne apne jee ko behlaaya hai jin baatoN ko khud nahiN samjhe auroN ko samjhaaya hai humse poochO izzatwaaloN kee izzat ka haal yahaN humne bhi is shehar meiN rehkar thoDa naam kamaya hai us'se bichchDe barsoN beete lekin aaj na jaane kyoon aangan meiN haste bachchoN ko bekaaroN dhamkaaya hai koi mila tho haath milaaya kahiN gaye to baate kee ghar se baahar jab bhi nikle din bhar boJh uThaya hai 5. dard-e-dil meiN kamee na ho jaaye dosthi dushmani na ho jaaye tum meri dosthi ka dam na bharo aasmaaN muddayee na ho jaaye baiThata hoon hamesha rindoN meiN kahiN zaahid wali na ho jaaye apne khooye wafa se Darta hoon aashiqi bandagi na ho jaaye 6. koi dosth hai na raqeeb hai tera sehar kitnaa ajeeb hai wo jo ishq thaa wo junoon thaa ye jo hiZr hai ye naseeb hai yahaN kiska chehra paDha karooN yahaN kaun itnaa kareeb hai maiN kise kahooN mere saath chal yahan sab ke sar pe saleeb hai 7. sar jhUkaaoge to patthar dewta ho jaayega itna math chaaho use' wo bewafa ho jaayega hum bhi dariya haiN hameN apnaa hunar maaloom hai jis taraF bhi chal paDenge raasta ho jaayega maiN khuda ka naam lekar pee raha hoon dostoN zehar bhi isme agar hoga dawa ho jaayega ruTh jaana to mohabbat ki alamat hai magar kya khabar thee muJhse wo itna khafa ho jaayega 8. Kaun aayega yahan Lyrics : Naqsh Lyallpuri (1) Zahid (2) wajida Tabassum (3) Nida Fazli (4) Bekhud Dehlvi (5) Rana sahri (6) Bashir Badr (7) Kaif Bhopali (8) Music : Jagjit Singh Voices : Jagjit Singh Top
  Echoes 1. huzoor aapka bhi ahtraam karta chaloon idhar say guzra tha soncha salaam karta chaloon nikha-o-dil ki yahi aakhri tamanna hai tumhari zulf kay saayey mein shaam karta chaloon unhay yeh zid ki mujhay dekh kar kisi ko na dekh mera yeh shauk ke sabsay qalaam karta chaloon yeh mere khaboN ki duniya nahin sahi lekin ab aa gaya hooN to do din qyaam karta chaloon 2. safar me dhoop to hogi, jo chal sako to chalo sabhi haiN bheeD meiN tum bhee nikal sako to chalo kisi ke waaste raaheN kahan badalti hai tum apne aap ko khud hi badal sako to chalo yahan kisi ko koi raasta nahin deta muJhe gira ke agar tum sambhal sako to chalo yahi hai zindagi kuch khwaab chand ummeedeN inhi khilonoN se tum bhee bahal sako to chalo 3. shola ho bhaDakne ki guzaarish nahin karta sach muuh se nikal jaata hai koshish nahin karta girti huyee diwaar ka humdard hooN lekin chaDhte huye sooraj ki parasthish nahin karta maathe ke paseene ki mahak aaye na jaisi wo khoon mere jisM meiN gardish nahin karta humdard ye ehbaab se darta hoon 'Muzaffar' main zakhm to rakhta hoon numaish nahin karta 4. aap ko bhool jaayeN hum itnin to bewafa nahin aapse kya gila kareN aapese koi gila nahin sisha-e-dil ko toDna unka to ek khel hai humse hi bhool ho gayee unko koi khata nahin kaash wo apne gham muJhe de deN to kuch sukooN mile wo kitna bad-naseeb hain gam hee jise mila nahin juRm hai gar wafa to kya, kyoon kar wafa ko choD doon kehte haiN is gunaaH kee hoti koi saJa nahiN 5. mai chahta bhi yehi tha, wo bewafaa nikle use samaJhne ka koi to silsila nikle kitaab-e-maazi ke panne ulaT ke dekh zara na jaane kaun sa panna muDa hua nikle jo dekhne meiN bahut hee karib lagtaa hai usi ke baare meiN socho to faasila nikle 6. BoliyaN (Punjabi) 7. mai khayal hu kisi aur ka, mujhe sochta koi aur hai 8. aisa lagta hai zindagi tum ho ajnabee kaise ajnabee tum ho ab koi aarzoo nahin baakee justjoo meri aakhri tum ho main zameen par ghana andhera hoon aasmaanoN ki chandni tum ho dostoN se wafa ki ummeedeN kis zamaane ke aadmi tum ho 9. maana ke musht-e-khak se badh kar nahin hoon maiN lekin hawa ke rehmo-karam par nahiN hoon maiN insaan hooN dhaDkte huye dil par haath rakh yoon doob kar na dekh samandar nahiN hoon maiN chehre pe mal raha hoon siyaahi naseeb ki aaiynaa haath meiN hai sikandar nahiN hoon maiN 'ghalib' tere zameen meiN likhi to hai ghazal tere kad-e-sukhan ke baraabar nahiN hoon maiN 10. dene vaale mujhe maujo ki ravaani dede fir se ek baar muJhe meri jawaani dede abR ho jaam ho saaki ho mere pehloo meiN koi to shaam muJhe aisi suhaani dede nasha aa jaye muJhe teri jawaani ki kasam tu agar jaam meiN bhar ke muJhe paani dede har jawaN dil mere afsaanoN ko dohraata rahe hashR tak khatM na ho aisi kahaani dede 11. tumko hum dil me basa lenge, tum aao to sahi saari duniya se chupa lenge tum aao to sahi ek waada karo ab humse na bicHDoge kabhi naaz hum saare utha lenge tum aao to sahi bewafa bhee ho sitamgar bee jafa pesha bhee hum khuda tumko bana lenge tum aao to sahi raah taarikh hai aur door hai manzil lekin dard ki shamme jala lenge tum aao to sahi 12. fir usi raah guzar kar shaayad hum kabhi mil sakeN magar shaayad jaan pehchaan se kya hoga fir bhi ae dosth gaur kar shaayad muntjir jinke hum rahe unko mil gaye aur hum-safar shaayad jo bhee bicHDe hain kab mile hain 'faraar' fir bhee tu intezaar kar shaayad Lyrics : Music : Jagjit Singh Voices : Jagjit Singh Chitra Singh Top
  Ecstasies 1. Jawan hai raat saqiya 2. paseene paseene huye jaa rahe ho ye bolo kahaN se chale aa rahe ho hameN sabR karne ko keh to rahe ho magar dekh lo khud hi ghabraa rahe ho ye kiskee buri tumko nazar lag gayee hai baharoN ke mausam meiN murJha rahe ho ye aaina hai ye to sach hi kahega kyoN apni haqeeqat se katraa rahe ho 3. Tumne sooli pe latakte 4. Mere jaise ban jaoge 5. Jabse hum tabah ho gaye 6. humko dushman kee nigahoN se na dekha keeJe pyaar hi pyaar haiN hum humpe bharOsa keeJe chand yaadoN ke siwa haath na kuch aayega is tarah uMr-e-gureza ka na peecha keeJe roshni auroN ke aaNgaN meiN gawara na sahee kam se kam apne ghar meiN to uJaala keeJe kya khabr kab wo chale aayenge milne ke liye roz palkoN pe nayee shamme jalaya keeJe 7. Ek nazar dekh ke hum jaan gaye 8. bahut dinoN kee baat hai fizaa ko yaad bhi nahiN ye baat aaj kee nahiN bahut dinoN kee baat hai shabaab par bahaar thee fizaa bhi khush-gawaar thee naa jaane kyoon machal pada maiN apne ghar se chal pada kisi ne muJhko rok'kar badi adaa se Tok'kar kaha tha lauT aae'iye meri kasam naa jaai'eye par muJhe khaBar na thee maahOl par nazar na thee naa jaane kyoon machal pada maiN apne ghar se chal pada maiN shehaR se phir aa gaya khayal thaa ke paa gaya us'e jo muJhse door thee magar meri zaroor thee aur ik hasiN shaaM ko maiN chal paDa salaam ko gali ka rang dekh'kar nayee tarang dekh'kar muJhe badi khushi huyee maiN kuch isi khushee meiN tha kisi ne Jhaank'kar kaha paraaye ghar se jaai'iye meri kasma na aai'iye wahi haseeN shaam hai bahaar jiska naam hai chala hooN ghar ko choDkar na jaane jaaoonga kidhar koi nahiN jo Tok'kar koi nahiN jo Rok'kar kahe ke laut aai'iye meri kasam na jaai'iye meri kasam naa jaai'iye ...... Lyrics : Madan Pal (1) Saeed Rahi (2,4) Sahir Hoshiarpuri (3) Bekal Utsahi (5) Rais Ahktar (6) Ibraheem Ashk (7) Salam Machhli Shehri (8) Music : Jagjit Singh Voices : Jagjit Singh Chitra Singh Top
  Mirage 1. apni marzi se kahaN apni safar ke hum haiN rukH hawaaON ka jidhar ka hai udhar ke hum haiN pehle har cheez thi apni magar ab lagta hai apne hi ghar meiN kisi doosre ghar ke hum haiN waqt ke saath miTTi ka safar sadiYoN se kisko maaloom kahan ke haiN kidhar ke hum haiN chalte rehte haiN ke chalnaa hai musaafir ka naseeb sochte rehte haiN kis raah guzar ke hum haiN
2. rishta kya hai tera mera maiN hooN shab aur tu hai sawera tu hai chaand sitoroN jaisa meri kismat ghoR andhera phooloN jaise raaheN teri kaaToN jaisa mera Dera aata jaata hai ye jeewan pal-do-pal ka raiN basera
3. dushman ko bhee seene se lagana nahiN bhoole hum apne buzurgoN ka zamana nahiN bhoole tum aaNkhoN ki barsaat bachaaye huye rakhna kuch log abhi aag lagaana nahiN bhoole ye baat alag haath qalam ho gaye apne hum aapki tasveer bananaa nahiN bhoole ik umR huyee maiN to hansi bhool chuka hooN tum ab bhee mere dil to dukhaana nahiN bhoole
4. koi chaudhweeN raat ka chaaNd bankar tumhaare tasavvuR meiN aaya to hoga kisi se to kee hogi tumne mohabbat kisi ko gale se lagaya to hoga tumhaare khayaloN ke angDaaiyoN meiN meri yaad ke phool mehKe to honge kabhi apne aanKhoN ke kaajal se tumne mera naam likhkar miTaaya to hoga laboN se mohabbat ka jaadoo jagake bhari bazm meiN sabse nazareN bachaake nigaahoN ki raahoN se dil meiN samaake kisi ne tumHe bhee churaaya to hoga kabhi aaeeNe se nigaaheN milakar jo lee hogi bharpoor angDaaiyoN toone to ghabraake khud teri angDaaiyoN ne tere husN ko gud-gudaaya to hoga
5. ik baramhahN ne kaha hai ke ye saal achhaa hai zulm ki raat ab jaldi Dhalegi abto aag choolhoN meiN har ek roz jalegi abto bhookh ke maare koi bachha nahiN royega chaiN ki neeNd har ik shaksh yahaN soyega aandhi nafrat ki chalegi na kahiN ab ke baras pyaar ki faSl ugaayegi zamiN ab ke baras hai yakiN ab na koi shor-sharaaba hoga zulm hoga na kahiN khoon-kharaaba hoga Os or dhooP ke sadme na sahega koi ab mere desh meiN be-ghar na rahega koi naye waadoN ka jo Daala hai wo jaal achha hai rehnumaaoN ne kaha hai ke ye saal achha hai dil ke khoosh rakhne meiN 'Ghaalib' ye khayal achha hai
6. maiN na hindoo na musalmaan muJhe jeene do dosti hai mera imaaN muJhe jeene do koi ehsaaN na karo muJhpe to ehsaaN hoga siRf itna karo ehsaaN muJhe jeene do sabke dookh-dard ko apna samaJh ka jeena bas yahi hai mera armaaN muJhe jeene do log hote haiN jo hairaaN mere jeene se log hote rahe jairaaN muJhe jeene do
7. zindagi say badi saza hi nahin aur kya jurm hai pata hi nahin itne hissoN meiN bat gaya hoon maiN meray hisay meiN kuch bacha hi nahin sach ghatay ya badey to sach na rahey jhooth ki koi intehaa hi nahin jad do chaandi meiN chahey sonay meiN aaiana jhooth bolta hi nahin
8. mai rahe meena rahe gardhish meiN paimaana rahe mere saaqi tu rahe aabaad maikhaana rahe harsh hee to ho chuka rukh se nahiN haTthi naqaab hadh bhee aakhir kuch hai kab tak koi deewaana rahe raat ko jo baiThte haiN roz hum majnu ke paas pehle an-ban reh chuki hai ab to yaaraana rahe zindagi ka luTf ho uDati rahe hardam 'riyaz' hum hoN seeshe ke pari ho ghar parikhaana rahe Lyrics : Nida Fazli (1) Kamal Sehgal (2) Saghar Azmi (3) Akhtar Azad (4) Sabir Dutt (5) Shahid Kabir (6) Krishan Bihari Noor (7) Raiz Khairabadi (8) Music : Talat Aziz Voices : Jagjit Singh Top
  The Unforgettables 1. baat nikalegee to phir duur talak jaayegee log bewajaH udaasee kaa sabab poochhenge ye bhee poochhenge ke tum itnee pareshaaN kyooN ho oongliyaaN uTheNgee sookhe huye baaloN kee taraf ek nazar dekheNge guzre huye saaloN kee taraf chooDiyoN par bhee kaI taNz kiye jaayeNge kaaNpate haathoN pe bhee fikRe kase jaayeNge log zaalim haiN har ek baat kaa taanaa deNge baatoN baatoN meiN meraa zikR bhee le aayenge unakee baatoN kaa zaraa saa bhee asar mat lenaa waRnaa chehre ke taasur se samaJh jaayeNge chaahe kuchh bhI ho sawaalaat naa karnaa unse mere baare meiN koI baat na karnaa unse baat nikalegii to phir door talak jaayegee
2. raat bhi neend bhi kahaani bhee haaye kya cheez hai jawaani bhee dil ke sholoN se paDti hai sehra zindagi aag bhee hai paani bhee khaRk kya kya muJhe nahiN kehti kuch sunooN maiN teri zubaani bhee paas rehna kisi ka raat ki raat mehmaani bhee mezbaani bhee
3. sarakti jaaye haiN rukh se naqaab aahistaa-aahista nikalta aa raha hai aaftaab aahistaa-aahista jawaN hone lage jab wo to humse kar liya parda hayaa yakalaKht aaee aur shabaaB aahistaa-aahista sab-e-furkat ka jaaga hoon paristhoN ab to sone do kabhi fursat meiN kar lena hisaab aahistaa-aahista hamaare aur tumhaare pyaar meiN bas farq hai itna idhar to jaldi jaldi hai udhar aahistaa-aahista baDi bedardi se sar kaate 'ameer' aur maiN kahooN unse huzur aahistaa aahistaa janaab aahistaa-aahista
4. ek na ek shamma andhere mein jalaye rakhiye subaH hone ko hai maahOl sajaaye rakhiye jinke haathoN se hume zakm-e-neha pahunchi hai wo bhee kehte hain ke zakhmoN ko chupaaye rakhiye kaun jaane ke wo kis raah-guzar se guzre har guzar raah ko phooloN se sajaaye rakhiye daaman-e-yaar ki zeenat na bane har ansoo apni palkon ke liye kuch to bachaaye rakhiye
5. bahut pehle se un qadmon ki aahaT jaan letey hai tuJhe ae zindagi hum door se pehchaan letey haiN tabiyat apni ghabraati hai jab sunsaan raatoN meiN hum aise meiN teri yaadoN ki chaadar taaN lete haiN meri nazreN to aise qaafiroN ka jaan-o-imaaN hai nigaaheN milte hi jo jaam aur imaan lete haiN 'firaq' aksar badal kar bhesh milta hai koi qaaTil kabhi hum jaan lete hiaN kabhi pehchaan lete haiN
6. dard badhkar fughan na ho jaaye ye zameeN aasmaaN na ho jaaye dil meiN dooba hua jo nashtar hai mere dil ki zubaaN na ho jaaye dil ko le leejiye jo lena hai fir ye sauda garaN na ho jaaye aah kije magar latif tabhi lab tak aakar dhuaaN na ho jaaye
7. gham badhe aate hai qaatil ki nigahon ki tarah tum chupa lo muJhe ae dosth gunaahoN ki tarah apni nazaroN meiN gunehgaar na hote kyooNkar dil hi dushman hai mukhaliF ke gawaahoN ki tarah har taraf zeest ki raahoN meiN kaDi dhoop hai dosth bas teri yaad ke saaye haiN panaahoN ki tarah jinke khaatir kabhi ilzaam uthaaye 'faakir' wo bhee pesh aaye haiN insaaF se shaahoN ki tarah
8. kisi ranjish ko hawa do ke maiN zinda hooN abhi muJhko ehsaas dila do ke maiN zinda hooN abhi mere rukne se meri saaNse bhi ruk jaayengi faasile aur baDha do ke maiN zinda hooN abhi zehar peene ki to aadat thi zamaane waaloN ab koi aur dawa do ke maiN zinda hooN abhi chalti raahoN meiN yooNhi aaNkh lagi hai 'faakir' bheeD logoN ki hata do ke maiN zinda hooN abhi
9. dost ban-banke mile muJhko mitaane waale maine dekhe haiN kaI rang badalane waale tumne chup rehkar sitam aur bhee Dhaayaa mujhpar tumse achchhe haiN mere haal pe haNsne waale maiN to ikhalAq ke hathoN hi bikA kartaa hooN aur hoNge tere baazAr meiN bikne waale akhree daur pe salaam-e-dil-e-mustar le lo phir naa lauTenge shab-e-hiJr pe ronewaale
10. aaye haiN samjhaane log haiN kitne deewane log dair-o-haram meiN chain jo miltha kyoN jaathe maikhaane log jaan ke sab kuch, kuch bhi na jaane haiN kitne anjaane log waqt pe kaam nahiN aathe haiN ye jaane pehchaane log ab jab mujh ko hosh nahiN haiN aaye haiN samjhaane log Lyrics : kafeel Aazer (1) Firak Gorakhpuri (2,5) Ameer Meenai (3) Taariq Badayani (4) Jigar Moradabadi (6) Sudarshan Fakir (7,8) Saeed Rahi (9) Kunwar Mahendra Singh(10) Music : Jagjit Singh Voices : Jagjit Singh Chitra Singh Top
  Unique 1. muJhe gusaa dikhaaya jaa raha hai tabassum ko dabaaya jaa raha hai wahaN tak aabroo jaBt-e-gham hai jahaN tak mushkuraaya jaa raha hai do aalam maiNe chODe jiske khaatir wahi daaman chuDaaya jaa raha hai kareeb aane meiN hai ujko takalluF wahiN se mushkuraaya jaa raha hai
2. kaun aayega yahan koi na aaya hoga mera darwaaza hawaaoN ne hilaaya hoga dil-e-naadaaN na dhaDak ae dil-e-naadaaN na dhaDak koi khat leke paDosi ke ghar aaya hoga gul se lipTi huyee titli ko girakar dekho aandhiyoN tumne daraftoN ko giraaya hoga 'kaif' pardesh meiN math yaad karo apna makaaN abke baarish ne use toD giraaya hoga
3. buJh gayee tapti huyee dil ki agaN saanJh ne chup-chaap hi pee lee agaN raat rijH aayee pehan ujla wasan pRaan tum kyooN mauN ho kuch gun-gunaaO chaandni ke phool tum mushkuraaO ek nili jHeel sa faila achal aaj ye aakaash hai itna saJal chaaNd jaise roop ka uBhraa kamal raat bhar is roop ka jaadoo jagaaO pRaan tum kyooN mauN ho kuch gun-gunaaO chal raha hai chait ka chanchal pawan ...............bikhri huyee undal sakhan aaj ho kaJraa udaasi hai nayan maaNg bhar lo baal par bindiyaa sajaaO pRaan tum kyooN mauN ho kuch gun-gunaaO
4. tera chehra kita suhaana lagta hai tere aage chaand puraana lagta hai tirche-tirche teer nazar ke lagte haiN seedha-seedha dil pe nishaana lagta hai aag ka kya pal-do-pal meiN lagti hai buJhte buJhte ek zamaana lagta hai sach to ye hai phool ka dil bhee chalni hai haNste haNste ek bahaana lagta hai
5. maan mausam ka kaha chaayee ghaTa jaam uTha aag se aag buJha phool khila jaam uTha ae mere yaar tuJhe uski kasam deta hooN bhool jaa shikwe gile haath mila jaam uTha ek pal bhi kabhi ho jaata hai sadiyoN jaisa der kay karna yahaN haath baDha jaam uTha pyaar hi pyaar hai sab log baraabar haiN yahaN maikade meiN koi choTa na baDa jaam uTha
6. bas ek waQt ka khanJar meri talaash meiN hai jo roJ bhesh badal ka meri talaash meiN hai maiN ek katra hooN mera alag waJood to hai hua kare jo samandar meri talaash meiN hai maiN dewtaa ki tarah qaid apne mandir meiN wo mere jisM ke baahar meri talaash meiN hai maiN jiske haath meiN ek phool deke aaya tha usi ke haath ka patthar meri talaash meiN hai
7. mere kareeb na aaO ke maiN sharaabi hooN mera ..... jagaaO ke maiN sharaabi hooN zamaaNe bhar ke nigaahoN se gir chuka hooN maiN nazar se tum na giraaO ke maiN sharaabi hooN ye aRz karta hooN gir kar khulush waaloN se uTha sakO to uthaaO ke maiN sharaabi hooN tumhari aaNkh se bhar looN suroor aaNkhoN meiN nazar nazar se milaaO ke maiN sharaab hooN
8. aap se gila aap kee kasam sochte rahe kar sake na hum uski kyaa khata la dawa hai gham kyooN gila kareN chaargar se hum ye nawazisheN aur ye karam farte shauK se mar na jaaye hum khechte rahe umR bhar muJhe ik tarah khuda ik taraf sanam ye agar nahiN yaar ki gali chalte chalte kyoon ruk gaye kadam Lyrics : Shahir Bhopali (1) Kaif Bhopali (2,4) Pandit Vinod Sharma (3) Bashir Badr (5) Krishan Bihar Noor (6) Sabab Sikri (7,8) Music : Jagjit Singh Voices : Jagjit Singh Top

This Site is Still
Picture